
Di binçavan de pirsên dubare ji rojnamevan Canozer kirin

2021-08-16 16:27:19


	&nbsp;

	AMED - Kirariyên îfadeyên 58 kesên ku li Amedê hatin binçavkirin didomin, ji nûçegihana Jinnewsê Berîtan Canozer pirsên beriya niha di bin çavan de jê hatibûn pirsîn dîsa hatin pirsîn.&nbsp;

	&nbsp;

	Serdozgeriya Komarê ya Amedê, bi hinceta parvekirinên li ser medya sanal bi îdiaya "endamtiya rêxistinê" lêpirsîn dabû destpêkirin û biryara binçavkirina 88 kesan dabû. Di 13'ê tebaxê de di çarçoveya lêpirsînê de polisan bi ser 104 malan de girtibû û nûçegîhana Jinnewsê Berîtan Canozer û rojnameger Kadîr Bayram jî di nav de 58 kesan binçav kiribûn. Ji ber biryara veşarî ya li ser dosyeyê parêzer xwe nagihînin hûrgiliyên dosyayê. Kirariyên îfadeyên 58 kesên ku 4 roj in li Miduriyeta Polîsan a Amedê di bin çavan de ne didomin. Tê payîn ku piştî îfadeyan 58 kes sewqî Edliyeya Amedê werin kirin.&nbsp;

	&nbsp;

	PIRSA BINÇAVKIRINA BERIYA NIHA

	&nbsp;

	Ji nûçegihana Jinnewsê Berîtan Canozer a li miduriyeta polîsan îfadeya wê hat wergirtin pirsa bikarînerê medya dîjîtal a bi navê “Berîtan Sarya” ku di binçavkirina beriya niha de jî jê hatibû pirsîn, dîsa jê hatin pirsîn. Canozer, di îfadeya xwe de wiha got: “Di binçavkirinên min yên din de jî ev hesab ji min hatibû pirsîn. Lê tu eleqeya vê hesabê bi min re nîne. Hesabên ku aîdî min wêneyên min hene û dema hûn di motora lêgerînê ya înternetê lê geriyan tê dîtin.”

	&nbsp;

	Kirariyên îfadeyên kesên din ên di binçavan de didomin.

	&nbsp;