
Li Sûrê 80 mal di karantînayê de ne, kes alîkarî nake 

2021-08-20 12:13:28


	AMED - Li navçeya Sûrê nêzî 80 mal di karantînayê de ne. Bi sedan welatî li van malan dijîn û ji ber kes pêdiviyên wan dabîn nake rojên dijwar derbas dikin.&nbsp;

	&nbsp;

	Li Amedê hejmara pêketiyên Kovîd-19’ê rojane derketiye bi ser 2 hezarî. Bi hezaran kesên ku testa wan pozîtîf derdikeve, hildidin karantînayê. Li taxa Îskenderpaşa ya Sûrê ku 8 hezar nifûsa wê heye, nêzî 80 malî xistine karantînayê. Hat zanîn ku bi sedan welatiyên di karantînayê de ew malbatên feqîr in û di van rojên karantînayê de ji bo ku pêdiviyên xwe yên xurekan dabîn bikin rojên dijwar derbas dikin.&nbsp;

	&nbsp;

	KES ALÎKARIYÊ NAKE

	&nbsp;

	Keyayê taxa Îskenderpaşa Alî Urun diyar kir ku hejmara pêketiyên koronayê di mehek dawî de zêde bûye û niha li 80 malên taxê karantîna tê sepandin û hemû jî malbatên feqîr in. Urun got hin malbat nikarin pêdiviyên rojane dabîn bikin û ew rojên dijwar derbas dikin. Urun anî ziman ku kes alîkariya welatiyan nake û mexdûr bûne. Urun banga aşîbûnê li şêniyên taxê kir û ji bo rizgariya ji nexweşînê divê her kes biçe aşî bibe.&nbsp;

	&nbsp;

	&nbsp;