DÎSK’ê serdana malbata Şenyaşar kir 

2021-08-20 14:17:01


	 

	RIHA - Nûnerê DÎSK’ê yê Herêma Amedê Hasan Eroglû, serdana malbata Şenyaşar a têkoşîna edaletê dide kir û got: “Ji vê bêedaletî û bêhiqûqiyê re êdî bese. Daxwaza malbatê daxwaza me ye. Em dixwazin edalet bê bicihanîn.” 

	 

	Çalakiya Nobeta Edaletê ya malbata Şenyaşar di 9’ê Adarê de, da bû destpêkirin dewam dike. Serdan û piştgiriyên ji bo çalakiya malbatê jî didomin. Nûnertiya Konfederasyona Sendîkayên Karkerên Şoreşger (DÎSK) ya Herêma Amedê, malbata Şenyaşar a di çalakiyê de bû ziyaret kir. 

	 

	Nûnerê Herêma DÎSK’ê ya Amedê Hasan Eroglû, di serdanê de axivî û wiha got: “Li dijî malbatê, bêhiqûqî û bêwijdaniyek mezin heye. Daxwazên malbatê nayin bi cih anîn. Ji vê bêedaletî û bêhiqûqiyê re êdî bese. Daxwaza malbatê daxwaza me ye. Em dixwazin edalet bê bicihanîn.”

	 

	Şandeyê heya demekê, bi malbatê re nobet girt û dûre ji cihê çalakiyê veqetiya.