ROJEVA 22'YÊ TEBAXA 2021'AN 

2021-08-22 09:00:32


	 

	* Xizmên girtiyên ku li dijî tecrîdê di greva birçîbûnê de ne gotin, "Daxwazên wan daxwazên me ne" û xwestin xizmên girtiyan hemû bên cem hev du û dengê xwe bilind bikin. 

	 

	* Serokê ÎHD'a Edeneyê Parêzer Yakûp Ataş, anî ziman ku li Girtîgeha Kurkçuler a Edene ya Tîpa T'yê girtî bi awayekî sîstematîk bi muameleyeke xirab re rû bi rû dimînin û got: "A tê kirin sûc e." 

	 

	* Nûnerên rêxistinên jinan ku li dijî xetereya Talîbanê ji bo piştevaniya bi jinên afxan re bang kirin, anîn ziman ku berpirsiyarê tahde û komkujiyên gengaz welatên emperyalîst in. 

	 

	* Malbata Buyum ku li Sûrê dijî, li hemberî xizaniyê li ber xwe dide. 7 meh in der û cînar alîkariya malbatê dikin. 

	 

	* Piştî Şûraya Dewletê projeya HES'ê ya tê xwestin li ser Çemê Zoravayê bê çêkirin betal kir, Meclîsa Giştî ya Bajêr vê carê plana îmarê guherand û careke din rê li ber qetilkirina xwezayê vekir. 

	 

	* Jina afxan Meryam ku li Tirkiyeyê dijî, diyar kir ku ji kes Talîbanê nas nake li Afxanîstanê têkoşiayne û Fatma jî destnîşan kir ku dê jin tu carî dev ji têkoşînê bernedin. 

	 

	* Piştî lehiya li Ayancikê ku 10 kes jiyana xwe ji dest dabûn û 6 kes winda ne, ji bo navçeyê ji nû ve rakin ser pêyan, koma piştevaniyê ava kirin. 

	 

	* Ji ber hişkesaliyê û bihabûna fiyetên ka û giya, rojên zor û zehmet li benda sewalvanan e. 

	 

	* Çalakiya "Nobeta Edaletê" ya Malbata Şenyaşar wê di roja 167’emîn de berdewam bike. 

	 

	* Festîvala Çand, Huner û Xwezayê ya Jinan ku ji aliyê Meclîsa Jinan a HDP'ê ve tê lidarxistin di roja duyemîn de wê berdewam bike. (11.00-16.00)

	 

	* Meclîsên Jinan ji bo piştevaniya jinên Afxanistanê li ber Sefaretxaneya Afxanistanê ya li Beşîktaşa Stenbolê daxuyanî bidin. (14.00)