
PDK’ê nûnerê Rêveberiya Xweser girt

2021-08-30 15:20:17


	NAVENDA NÛÇEYAN - Derket holê ku hêzên PDK’ê yên Nûnerê Rêveberiya Xweser a Bakur û Rojhilatê Sûriyeyê yê Hewlêrê Cîhad Hesen ê revandibû, girtine û şandine girtîgehê. Rêveberiya Xweser, derbarê hinceta girtina Hesen de agahî xwest.&nbsp;

	Li bajerê Hewlêr ê Herêma Federe ya Kurdistanê, hêzên PDK’ê roja 10’ê Hezîranê, Nûnerê Rêveberiya Xweser a Bakur û Rojhilatê Sûriyeyê yê Hewlêrê Cîhad Hesen revandibûn. Piştî 82 rojan nû agahî ji Hesen hat girtin.&nbsp;

	&nbsp;

	Derket holê ku Hêzên PDK’ê yên Hesen revandibû, şandine girtîgehê.

	&nbsp;

	Berdevkê Têkiliyên Derve yê Rêveberiya Xweser a Bakur û Rojhilatê Sûriyê Kemal Ak,f, derbarê rewşa Nûnerê xwe yê Hewlêrê Cîhad Hesen de daxuyanî da çapemeniyê.

	&nbsp;

	Akîf, diyar kir ku Hesen di girtîgehên PDK’ê de tê girtin û rewşa tenduristiya wî ne başe.&nbsp;

	&nbsp;

	Akif, di dewama daxuyaniya xwe de wiha got: “Ev girtin li dijî nirxên dîplomatîk, siyasî, mafên mirovî û welatparêziyê ye. Hemû qanûnên girêdayî dîplomatiyê binpê dike. Divê aliyên fermî ku ev kes girêdayî wê ye, der barê sedemên girtinê de werin agahdarkirin.”

	&nbsp;

	Akif destnîşan kir ku PDK û hikumeta Başûrê Kurdistanê berpirsên jiyana Cîhad Hesen in û ev girtina bê sedemên qanûnî têkiliyên di navbera Başûrê Kurdistanê û Rêveberiya Xweser de aloz, ji ber ku Rêveberiya Xweser dixwaze ev têkilî baş bin. Di heman demê de Kemal Akif bang kir ku nûnerê wê tavilê were berdan. &nbsp;

	&nbsp;

	Kemal Akif bang li rêxistinên hiqûqî kir ku bilez mudaxele bikin û çarenûsa nûnerê wê yê li Başûr nas bike û derfetê bide ku malbat û parêzer serdana wî bikin û wiha dewam kir: "Divê sedemên girtinê û cihê wî jî diyar bikin û fişarê li aliyên têkildar ên Başûrê Kurdistanê bikin ku di zûtirîn dem de wî serbest berdin."

	&nbsp;

	PDK`ê nûnerê Rêveberiya Xweser ê li Hewlêrê Cîhad Hesen tevî 2 endamên Komîteya Têkiliyan a Partiya Yekitiya Demokratîk (PDK) di 10`ê Hezîranê de dema diçûn balafirgeha Hewlêrê, revandin. Di 29`ê Tîrmehê de PDK`ê her du endamên PYD`ê piştî 50 rojî serbest berdan, lê çarenûsa Cîhad Hesen heta niha ne diyar bû.&nbsp;

	&nbsp;

	&nbsp;