
Li Mersînê banga 1'ê Îlonê

2021-08-31 14:03:08


	&nbsp;

	MERSÎN - Meclisa HDK'ê ya Mersinê, diyar kir ku jiyaneke birûmet tenê bi aştiyeke birûmet dikare bê avakirin û banga tevlîbûna bernameya ku di 1'ê Îlonê de bê lidarxistin kir.&nbsp;

	&nbsp;

	Meclisa Kongreya Demokratîk a Gelan (HDK) a Mersînê, ji bo 1'ê Îlonê Roja Aştiyê ya Cîhanê, li Cemiyeta Rojnamegerên Mersînê civîna çapameniyê li dar xist. Di civînê de pankarta "Şer hilweşandin e aştî jiyana azad e niha dema azadiyê ye" hat vekirin. Pêkhateyên HDK'ê tevlî civînê bûn. Di civînê de Hevberdevkê Meclisa Bajar a Mersînê ya HDK'ê Selahattîn Guvenç axivî.&nbsp;

	&nbsp;

	Di destpêka axaftina xwe de Guvenç, bal kişand ser qrîzên li Tirkiye, Rojhilata Navîn û cîhanê û diyar kir ku dîroka mirovahiyê dema herî tarî re derbas dibe û wiha got: "Din sedsala dawîn de 3'emîn Şerê Cîhanê yê navê wî nehatiye danîn pêk tê. Bi taybetî jî di salên dawîn de li Rojhilata Navîn li her derê şer û pevçûn hene û bi milyonan kesan jiyana xwe ji dest daye û bi milyonan kes jî ji av û axa xwe bûne. Ev tarîtî li Tirkiyeyê jî tê hîskirin. Ji çek û şer re razemenî tê kirin."

	&nbsp;

	BANGA BERNAMEYÊ

	&nbsp;

	Guvenç, diyar kir ku li seranserê dinyayê êdî dema avakirina jiyenek nû ye û ev bang kir: "Rêya tekane ya jiyana nû aştiyeke birûmet e. Bi têkoşîna hevpar aştiya birûmet dikare pêk bê."

	&nbsp;

	Piştî axaftina xwe Guvenç, bang kir ku her kes tevlî bernameya ku bi pêşengiya Platforma Ked û Demokrasiyê ya Mersînê saet di 18.00'an de li Qada Aştiyê ya Ozgecan Aslan bê lidarxistin bibe.

	&nbsp;

	&nbsp;