
Girtiyê nexweş Ayik ê rewşa wî giran dibe nayê berdan

2021-09-04 16:07:16


	&nbsp;

	STENBOL - Komîsyona Gîrtîgehan a Şaxa ÎHD’ê ya Stenbolê, diyar kir ku tedawiya girtiyê nexweş Devrîm Ayik ê ji sedî 76 astengdar e tê astengkirin û bang li rayedaran kir ku Ayik were berdan.&nbsp;

	&nbsp;

	Komîsyona Girtîgehan a Şaxa Komeleya Mafên Mirovan (ÎHD) ya Stenbolê, bi armanca balê bikişîne ser rewşa girtiyên nexweş, çalakiya xwe ya “Rûniştina F” a hefteya 493’yemîn li ser hesabê xwe yê medya dijîtal li dar xist. Komîsyonê di çalakiya xwe ya vê heftê de, bal kişand ser rewşa girtiyê nexweş Devrîm Ayik ê li Girtîgeha Tîpa Eskîşehîrê de dimîne.&nbsp;

	&nbsp;

	Daxuyaniya vê hefteyê endama Komîsyona Girtîgehan a Şaxa ÎHD’ê ya Stenbolê Meral Nergîs Şahîn xwend. Şahîn, qala xetereya şewba her ku diçe belav dibe û nebesiya bergiriyan kir û wiha got: “Ji ber di pêvajoya şewbê de mafê tedawiyê yê girtiyên nexweş tê astengkirin, bi mirinê re rûbirû dimînin.”

	&nbsp;

	'JIYANA WÎ DI BIN GEFÊ DE YE'

	&nbsp;

	Şahîn, da zanîn ku wê di çalakiya xwe ya vê hefteyê de balê bikşînin ser rewşa girtiyê nexweş Devrîm Ayik û wiha berdewam kir: “Ayik ji ber nexweşiya Crohn du caran hatiye emeliyatkirin û perçeyekî roviyên wî hatiye wergirtin. Malbata Ayik a di 15’ê nîsanê de bi telefonê bi kurê xwe re diaxive wiha dibêje ‘Dema cara ewil tînin Eskîşehîrê di odeke ku kêz tê de hene û ya karantînayê ye de tê girtin, dema sewqkirinê de avê jî nadinê. Piştî kolonoskopiya di 2’yê nîsana 2021’an de bijîşkê wî dibêje nexweşiya wî girantir dibe û divê bi lezgînî were tedawîkirin. Lê ligel vê yekê jî rayedarên girtîgehê tu gav neavêtine û ji ber vê yekê jî tenduristî û jiyana wî di bin gefê de ye.’”

	&nbsp;

	Şahîn, bang li rayedaran re kir ku di serî de Ayik divê hemû girtiyên nexweş bên berdan û mafên wan ên tenduristî û jiyanê were parastin.&nbsp;

	&nbsp;

	&nbsp;