
Parêzera Ayşe Gokkan: Helwesta dadger dewama polîtîkaya çewisandinê ye

2021-09-15 10:09:54


	RIHA - Parêzera Berdevka TJA’yê Ayşe Gokkan, Berfîn Gokkan, tiştên di dozê de qewimîne wek “dewama polîtîkaya çewisandinê” pênase kir û ji bo serokê dadgehê ji wezîfeyÊ were dûrxistin dê serî li HSK’ê bidin.&nbsp;

	Rûniştina 22’yemîn a doza Berdevka Demê ya Tevgera Jinên Azad (TJA) Ayşe Gokkan di 13’ê îlonê de li 9’emîn Dadgeha Cezayê Giran a Amedê hat lidarxistin. Di kêliya parastinê de serokê dadgehê ferman da û polîsan mudaxileyî parêzeran û beşdaran kir û wan ji eywanê derxist.&nbsp;

	&nbsp;

	Di navbera parêzer û polîs-dadger de gengeşî derketibû. Piştî danişîn qediya dadger danişînê taloqî 20’ê cotmehê kir.&nbsp;

	&nbsp;

	Parêzer Berfîn Gokkan ku hem parêzera Gokkan e û hem jî biraziya wê ye destnîşn kir ku ji bo ew tiştên di rûniştina dozê de qewimîne fêm bikin divê qewimandinên di dosyeyê de baş analîz bikin û got: “Hêceta girtina wê, wernegirtina parastina wê bû. Bêyî ku wê vexwînin dadgehê, xwestin parastina wê werbigirin û bêyî ku vexwendname were şandin parastina wê wergirtin. Ev rewşek li dijî hiqûqê ye. Girtina wê li ser van bingehên bêhiqûqî pêk hat.”&nbsp;

	&nbsp;

	Berfîn Gokkan di dewama axaftina xwe de bal kişand ser rêbazên darizandina Ayşe Gokkan û her çiqas Ayşe Gokkan xwestiye bi zimanê dayika xwe kurmancî parastina xwe bike jî lê dadger daxwaza wê red kiriye.&nbsp;

	&nbsp;

	DADGER HELWESTEK HIŞK NÎŞAN DAYE&nbsp;

	&nbsp;

	Gokkan tiştên di dozê de qewimîne wek “dewama polîtîkaya çewisandinê” pênase kir. Gokkan anî ziman ku di kêliya parastina Ayşe Gokkan de ew bi helwestek hişk û qeba ya serokê dadgehê re rûbirû mane û dadger bi wê helwesta xwe parêzeran û rêveberên Baroya Amedê kir hedef. Gokkan da zanîn ku helwesta dadger li dijî mesleka parêzeriyê ye û miwekîla wan bûye. Gokkan got bi fermana dadger li dijî parêzeran û Serokê Baroya Amedê êrişek fizîkî û devkî pêk hatiye.&nbsp;

	&nbsp;

	DOSYE VEGUHEZTIN EWROPAYÊ

	&nbsp;

	Gokkan diyar kir ku wn ji bo neheqiya li Gokkan tê kirin û ji bo dema girtina wê dirêj dibe serî li Dadgeha Destûra Bingehîn dane lê serlêdana wan hatiye redkirin û li ser vê yekê serî li Dadgeha Mafê Mirovan a Ewropayê dane.&nbsp;

	&nbsp;

	DÊ GILIYÊ DADGER BIKIN&nbsp;

	&nbsp;

	Gokkan destnîşan kir ku gef û zextên dadger ên li ser parêzeran nayê qebûlkirin û ew ê bi Baroya Amedê re derbarê dadger de wê serî li Desteya Dadger û Dozgeran (HSK) bidin û giliyê wî bikin. 5

	&nbsp;

	MA / Emrullah Acar

	&nbsp;

	&nbsp;