
DEDAŞ vê carê bi polîsan re çû taxê  

2021-09-15 13:24:05


	&nbsp;

	AMED - Li Licê xebatkarên DEDAŞ’ê xwestin saetên ceryanê derxin ser dîrekan û ev yek bû sedema rageşiyê.&nbsp;

	&nbsp;

	Grûpek Şîrketa Belavkirina Ceryanê ya Dîcleyê (DEDAŞ) li navçeya Licê bi hêceta pêşîlêgirtina bikaranîna ceryana qaçax xwest saetên ceryanê derxe ser dîrekan. Ev yek bû sedema rageşiya navbera welatî û grûpa DEDAŞ’ê. Hefteyek berê jî xelkê taxa Yenîşehîra Licê li dijî derxistina saetên ceryanê derketibû û DEDAŞ neçar mabû xebata xwe bide sekinandin. Lê îro grûpa DEDAŞ’ê û polîs bi hev re çûn taxê.&nbsp;

	&nbsp;

	Xelkê taxê dîsa li dijî DEDAŞ’ê derket û bertek nîşanî grûpa DEDAŞ’ê û polîsan dan.&nbsp;

	&nbsp;

	Li ser nerazîbûna xelkê DEDAŞ neçar ma ku cara sêyemîn xebata xwe rawestîne û ji taxê derketin. Polîs hêj li taxê disekinin.&nbsp;

	&nbsp;

	Di 11’ê îlonê de jî heman rageşî derketibû û polîsan 8 kes binçav kiribû û piştî îfadeyên wan wergirtibûn, serbest berdabûn.&nbsp;

	&nbsp;