
Konseya Ewropayê derbarê Demîrtaş û Kavala de biryar da  

2021-09-17 14:31:31


	&nbsp;

	ENQERE - Komîteya Wezîran a Konseya Ewropayê heta 30’ê îlonê dem daye Tirkiyê û daxwaza berdana Selahattin Demirtaş û Osman Kavala û betalkirina biryara mehkûmiyeta wan kiriye.&nbsp;

	&nbsp;

	Komîteya Wezîran a Konseya Ewropayê ji bo şopandina bicihkirina biryarên Dadgeha Mafên Mirovan a Ewropayê (DMME) civiya. Komîteyê biryarên xwe yên derbarê Hevserokê Giştî yê berê yê Partiya Demokratîk a Gelan (HDP) Selahattîn Demîrtaş û Osman Kavala de, ku tevî biryara DMME’yê nehatine berdan, eşkere kir.&nbsp;

	&nbsp;

	Komîteyê daxwaza berdana Demîrtaş û rakirina mehkûmiyeta wî kir û Komîteyê heta 30’ê îlonê dem da Tirkiyeyê.&nbsp;

	&nbsp;

	Komîteyê bibîr xist ku encamên hemû cezayên neyînî yên ji ber daxuyaniyên Demîrtaş ên di çarçoveya parêzbendiya parlamenteriyê û azadiya îfadeya wî de ne, bi taybetî doza li 22’yemîn Dadgeha Cezayê Giran a Enqereyê û biryara Dadgeha Bilind a erêkirina biryarê divê ji holê bê rakirin.

	&nbsp;

	Komîteyê daxwaza berdana karsaz Osman Kavala jî dubare kir û biryar da ku heta danişîna çileya pêşîn (kanûnê) li benda berdana Kavala bê sekinandin.&nbsp;

	&nbsp;

	&nbsp;