
Polîsan giliyê xwendekaran kirin 

2021-09-17 15:27:09


	STENBOL - Di doza ku li dijî 23 xwendekarên ku beşdarî xwepêşandanên li dijî tayînkirina rektoriyê ya li Zanîngeha Bogazîçiyê bûn de, 2 polîsên gazindker îfade da bûn, gilî kirin.

	&nbsp;

	Danişîna doza derbarê 23 xwendekarên li Kadikoya Stenbolê, di 2’yê Sibatê de beşdarî xwepêşandana li dijî tayînkirina rektorê qeyûm Melîh Bûlû ya Zanînga Bogazîçiyê bûn û hatin binçavkirin de, hatibû vekirin, li 38’emîn Dadgeha Cezayê Eslî ya Anadolûyê hat dîtin. 6 polîsên gazindker û parêzerên wan, xwendekar û parêzerên xwendekaran beşdarî danişînê bûn.&nbsp;

	&nbsp;

	Di danişînê de ji 6 polîsên îfade dan, 4 jê giliyê xwendekaran ne kirin. Lê 2 polîsan bi îdîaya zirar dîtine giliyê xwendekaran kirin. Parêzerên xwendekaran, daxwaz kirin ku pêkanîna kontrola edlî ya derbarê muwekîlên wan de, bê rakirin.

	&nbsp;

	Şandeya dadgehê, biryar da ku bi zorê 2 polîsên "ji ber sûc zirar dîtine" bînin û beşdarî danişînê bên kirin. Dadgehê biryar da ku pêkanîna kontrola edlî ya xwendekaran dewam bike û ji bo kêmasiyên di dosyayê de bên temamkirin, danişîn taloq kir.&nbsp;

	&nbsp;

	&nbsp;