Bavê penaberê avêtine Çemê Merîçê bang li rayedaran kir 

2021-09-21 16:24:15


	 

	STENBOL - Bavê penaberê ku avêtine ava Çemê Merîçê û agahî jê nayê wergirtin, Alî Ahmet Îsmaîl bang li rayedaran kir ku li tavilê lawê wî bibînin. 

	 

	Komeleya Mafê Mirovan (ÎHD) a Şaxa Stenbolê ji bo malbatên penaberên avêtine Çemê Merîça Edîrneyê û hêj winda ne, li komeleya xwe civîna çapemeniyê li dar xist. Malbatên penaberan û parêzer beşdarî civ3inê bûn. 

	 

	DIVÊ BERPIRSIYAR WERIN GIRTIN 

	 

	Seroka Şaxa ÎHD’ê Gulseren Yolerî da zanîn ku bûyerên wiha yên li hemberî penaberan rê li ber ferfretê vedike û li ser sînoran sepanên herî xerab tînin serê penaberan. Yolerî got penaber bi taybetî li ser sînorên Tirkiyê jiyana xwe ji dest didin û penaber naxwazin li Tirkiyê bijîn. Yolerî bal kişand ser îşkenceya li penaberên avêtine Çemê Merîçê hatiye kirin û têkildarî bûyerê lêpirsîn didome û xwest li tavilê berpirsiyarê vê bûyerê werin girtin. 

	 

	BILA PENABERÊN WINDA WERIN DÎTIN 

	 

	Penaberek nexwest navê xwe bide diyar kir ku wî avêtine çem û li gel penaber Muhammet Îsmaîl û 5 kesên din dema xwestine ji Tirkiyê biçin Yewnanîstanê hatine girtin û leşkeran wan dabeşî grûpan kiriye. Penaber da zanîn ku piştî ku ji koma Muhammet Îsmaîl di nav wan de bûye 2 kesan avêtine çem agahî ji wan negirtine û got: “Em dibêjin ew hatine kuştin. Em dixwazin li tavilê winda werin dîtin û berpirsiyar werin girtin.” 

	 

	JI BO LAWÊ XWE BANG KIR 

	 

	Bavê Muhammet Îsamîl, Alî Îsmaîl anî ziman ku ji roja lawê wî winda bûye ve êşek mezin dikişîne û ji bo lawê wî û penaber werin dîtin banga lezgîn li rayedaran kir. 

	 

	DESTÛRA LÊKOLÎNÊ NEHATIYE DAYÎN 

	 

	Ji parêzerên li dozê dinêrin endamê OHD’ê Vedat Çagirtekîn jî destnîşan kir ku rewşek pir xeternak heye û walîtiya Edîrneyê destû nedaye wan bûyerê lêkolîn bikin.