
Di wesayîta Serokê AKP’ê de cixareyên qaçax û sîleh hatin girtin

2021-10-06 12:22:39


	&nbsp;

	ŞIRNEX - Di wesayîta zirxî ya Serokê Şaredariya Bajaroka Deştadarê ya bi ser Hezexê ve Abdulkadîr Balîca du kaleşnîkof û hezar û 950 cixareyên qaçax hatin girtin. Du kesên hatin binçavkirin serbest hatin berdan.&nbsp;

	&nbsp;

	Şaredariya Bajaroka Deştadarê ya bi ser navçeya Hezexa Şirnexê ve bi rêveberiya AKP’ê tê birêvebirin. Di wesayîta zirxî ya Serokê Şaredariya Deştadarê Abdulkadir Balica de sîleh û cixareyên qaçax hatin girtin. Hat zanîn ku wesayîta şaredarê AKP’yî di ketina Êlihê de hatiye rawestandin û kurê şaredar Balica Mehmet Balica ku ajokariya bavê xwe dike û Serokê Rêxistina AKP’ê yê Bajaroka Deştadarê Alî Balica di hundirê wesayîtê de bûne. Du roj berê ew &nbsp;her du AKP’yî dema ji Wanê tên Êlihê ji aliyê polîsan ve tên sekinandin. Di lêgerîna li hundirê wesayîtê de du heb kaleşnîkof û hezar û 950 pakêt cixareyên qaçax tên desteserkirin.&nbsp;

	&nbsp;

	Her du AKP’yî tên binçavkirin û wesayîta dibin Miduriyeta Polîsan a Êlihê.&nbsp;

	&nbsp;

	Li ser vê yekê koma ku ji Serokê Rêxistina AKP’ê yê Şirnexê, Şaredarê AKP’yî Abulkadir Balica û Rêxistina AKP’a Hezexê pêk dihat çûne Walîtiya Şirnexê. Hat zanîn ku Waliyê Şirnexê têkildarî bûyerê bi AKP’iyan re civîn li dar xistiye.&nbsp;

	&nbsp;

	Li gorî hat îdiakirin ku di wesayîtê de hinek madeya hişbir jî hatiye desteserkirin.&nbsp;

	&nbsp;

	Tevî ku cixareya qaçax û kaleşnîkof di wesayîtê de hatine desteserkirin jî Mehmet û Alî Balica serê vê sibehê serbest hatine berdan.&nbsp;

	&nbsp;

	&nbsp;