
Rêvebera MEBYA-DER’ê hat beraetkirin  

2021-10-06 13:42:29


	&nbsp;

	AMED - Dadgehê di doza rêvebera MEBYA-DER’ê Halîme Topûs de biryara beraetê da.&nbsp;

	&nbsp;

	Danişîna ewil a doza bi “endamtiya rêxistinê” derbarê rêvebera Komeleya Çand, Yekîtî, Piştevaniya Malbatên Di Dergûşa Şaristaniyan Xizmên Xwe Winda Kirine (MEBYA-DER) Halîme Topûs de ku di çarçoveya lêpirsîna ji aliyê Serdozgerê Komarê yê Amedê li dijî MEBYA-DER’ê dihat birêvebirin de doz lê hatibû vekirin, li 11’emîn Dadgeha Cezayê Giran a Amedê hat lidarxistin. Topûs û parêzera wê Gîzem Mîran di danişînê de amade bûn.&nbsp;

	&nbsp;

	‘KOMELEYEKE QANÛNÎ YE’

	&nbsp;

	Topûs, a parastina xwe bi kurdî kir, diyar kir ku MEBYA-DER komeleyeke qanûnî ye û beşdariya wê ya çalakiyan bûye mijara sûcdariyê.&nbsp;

	&nbsp;

	DOZGER BERAET XWEST

	&nbsp;

	Dozgerî di mutalaya xwe ya derbarê esasê de diyar kir ku tu delîlên şênber ên derbarê ku sûc kiriye de nînin û daxwaza beraeta Topûs kir.&nbsp;

	&nbsp;

	KIRARIYÊN LI DIJÎ CMK’A YÊ’

	&nbsp;

	Parêzera Topûs, Gîzem Mîran, diyar kir ku tevlî mutalayê dibe û got di dema lêpirsînê de neheqî hatiye kirin û xwest miwekîla wê were beraetkirin.&nbsp;

	&nbsp;

	BIRYARA BERAETÊ

	&nbsp;

	Dadgehê, ji ber delîlên şênber ên derbarê ku Topûs sûc kiriye de nînin biryara beraetê da.&nbsp;

	&nbsp;