
Hevserokê HDP’ê yê Pirsûsê ku cezayê wî hatibû erêkirin hat girtin  

2021-10-08 13:03:20


	&nbsp;

	RIHA – Hevserokê HDP’ê yê Navçeya Pirsûsê Yaşar Gunduzalp, ji bo îfade bide çû qereqolê, lê bi hinceta ku cezayê wî hatiye erêkirin sewî edliyê hat kirin û li edliyê hat girtin.

	&nbsp;

	Hevserokê Rêxistina Partiya Demokratîk a Gelan (HDP) ya Navçeya Pirsûsê Yaşar Gunduzalp, ji Qereqola Eskerî ya Murşîtpinarê ji bo îfade bide bangî wî hat kirin. Gunduzalp ê çû qereqolê îfade bide, bi hinceta cezayê wî yê girtîgehê hatiye erêkirin, sewqî Edliya Pirsûsê hat kirin. &nbsp;

	&nbsp;

	Ji ber hesabê medya dijîtal, di sala 2016’an de, doz derbarê Gurduzalp de hatibû vekirin. Di encama darizandinê de 4 sal û 6 meh cezayê girtîgehê li Gunduzalp hatibû birîn. Gunduzalp di 29’ê Gulana 2017’an de hatibû girtin û piştî 2 salan di girtîgehê de ma, di 29’ê Gulana 2019’an de serbest hatibû berdan.&nbsp;

	&nbsp;

	Duh hat hînbûn ku 16’emîn Daîreya Ceza ya dadgeha bilind cezayê Gunduzalp erê kiriye. Gunduzalp ê hat binçavkirin û sewqî edliyê hat kirin, piştî ku biryar li rûyê wî hat xwendin şandin Girtîgeha Tîpa T a Rihayê.&nbsp;

	&nbsp;

	Hat diyarkirin ku Gunduzalp, di çarçoveyê ceza de, wê 4 mehan di girtîgehê de bimîn e.

	&nbsp;