
Daxwaza rojnameger a "rakirina qedexeya derketina derveyî welat" hat redkirin 

2021-10-12 14:38:42


	&nbsp;

	ENQERE - Di danişîna rojnameger Hayrî Demîr de daxwaza wî ya ji bo "rakirina qedexeya derketina derveyî welat" hat redkirin.&nbsp;

	&nbsp;

	Derbarê rojnameger Hayrî Demîr de ji ber xebatên wî yên rojnamegeriyê yên li Bakur û Rojhilatê Sûriyeyê bi angaşta "endamtiya rêxistinê" û propagandaya rêxistinê" doz hatibû vekirin. 9'emîn danişîna doza Demîr li 15'emîn Dadgeha Cezaya Giran a Enqerê hat dîtin. Demîr tevlî danişînê bû li parêzera wî Nûray Ozdogan hincet nîşan da û tevlî danişînê nebû. Di danişînê de Demîr mafê axaftinê girt, parastina xwe kir û daxwaz kir ku qedexeya wî ya derketina derve bê rakirin. Heyeta dadgehê, wêne û nûçeyên ku Demîr bi dest radestî wê kir qebûl nekir û biryar da ku bi nivîsa li ser bi daxwaznameyê pêşkêşî dadgehê bê kirin û daxwaza rakirina qedexeya derketina derveyî welat a Demîr jî red kir.&nbsp;

	&nbsp;