
Şandeya HDP’ê bi rêveberiya girtîgehê re hevdîtin kir: Bila girtî werin dermankirin

2021-11-01 17:25:41


	&nbsp;

	HATAY - Şandeya HDP’ê ku bi rêveberiya Girtîgeha Tîpa T a Îskenderûnê re hevdîtin kir, xwest ku daxwazên girtiyên nexweş demildest pêk werin. &nbsp; &nbsp; &nbsp;&nbsp;

	&nbsp;

	Şandeyek ji Partiya Demokratîk a Gelan (HDP), têkildarî pirsgirêkên ku girtiyên li Girtîgeha Tîpa T a Îskenderûnê dimînin dijîn bi rêveberiya girtîgehê re axivîn. Di şandeyê de parlementerên HDP’ê Fatma Kûrtûlan, Tulay Hatîmogûllari û endama Komîsyona Hiqûqê ya HDP’ê Mehtap Sert cih girt. Şandeyê di hevdîtina bi rayedarên girtîgehê re kirin de xwest ku dermankirina girtî Îsmaîl Tamboga, Siddik Guler, Bangîn Muhammed, N.O. û Ş.Y. a hatiye astengkirin, were kirin.&nbsp;

	&nbsp;

	BILA GIRTIYÊN NEXWEŞ WERIN TEDAWÎ KIRIN

	&nbsp;

	Kûrtûlan, piştî hevdîtina bi rayedarên girtîgehê re axaftineke kurt kir. Kurt, da zanîn ku binpêkirinên mafan ên li girtîgehê diqewimin ji rêveberiya girtîgehê re ragihandin û wiha got: “A.O. ya 2 salî jî di girtîgehê de bi dayika xwe re dimîne. Me bal kişand ser rewşa zaroka biçûk û 6 girtiyên nexweş û xwest ku demildest daxwazên wan ên tedawiyê pêk werin. Me pirsgirêkên diqewimin ji rêveberiya girtîgehê re ragihandin. Me xwest ku girtiyên nexweş werin dermankirin û binpêkirinên mafan bi dawî bibin.”

	&nbsp;

	&nbsp;