
Çawişê pispor ê ajokarê maşîna zirxî bi 42 kîlo esrarê hat girtin 

2021-11-02 11:11:32


	&nbsp;

	RIHA - Li navçeya Licê çawişê pispor Hanîfî N. ê ajokarê maşîna zirxî dema ji bo radestkirina 42 kîlo û 100 gram esrarê diçû, li Hîlwanê hat girtin.&nbsp;

	&nbsp;

	Fermandariya Cendermeyan a Rihayê li xaçerêya gundê Ovacik û Çakmak yên navçeya Hîlwana Rihayê wesayîta bi pîleqeya 55 AAT 802 sekinand û lêgerîn kir, di lêgerînê de 42 kîlo 100 gram esrar hat girtin. Çawişê pispor Hanîfî N. ku ajokarê maşîneya zirxî ya girêdayî Fermandariya Cendermeyan a Navçeya Licê ye di wesayîtê de hat binçavkirin.&nbsp;

	&nbsp;

	‘EZ DIÇÛM KU RADEST BIKIM’

	&nbsp;

	Hat hînbûn ku Hanîfî N. di îfadeya xwe de gotiye ku esrar bi 200 hezar lîreyan firotiye Hasan A. yê li gundê Sogutlu yên navçeya Hîlwanê rûdine û ji bo bibe radestî wî bike dibir. Di çarçoveya îfadeyê de di serdegirtina malê ya gundê Sogutlu de Hasan A. hat binçavkirin. Çawişê pispor Hanîfî N. û Hasan A. birin Fermandariya Cendermeyan a Bajêr.

	&nbsp;