
Ji Weşanger Azad Zal re cezayê hefsê hat xwestin

2021-11-02 15:31:26


	&nbsp;

	AMED - Di doza ku Nivîskar û Weşanger Azad Zal bi îdiaya “endamtiya rêxistinê” jê tê darizandin de heta 15 salan cezayê hefsê jê re hat xwestin.&nbsp;

	&nbsp;

	Li Amedê 5'emîn danişîna doza ku di çarçoveya lêpirsîna Kongreya Civaka Demokratîk (KCD) de bi îdiaya “endamtiya rêxistinê” li Nivîskar û Xwediyê Weşanxaneya J&J Azad Zal (Mehmet Gungormuş) hatibû vekirin, li 8’emîn Dadgeha Cezayê Giran a Amedê hat dîtin. Zal û parêzerê wî di danişînê de amade bûn. Dozger, di danişînê de derbarê esasê de mutalaya xwe pêşker kir û xwest ku Zal heta 15 salan bi cezayê hefsê were cezakirin. Parêzerê Zal Abdullah Cager jî li dijî mutalaya dozger xwest ku kêmasiyên dosyayê werin temamkirin.&nbsp;

	&nbsp;

	DANIŞÎN TALOQÎ 10’Ê SIBATÊ HAT KIRIN

	&nbsp;

	Şandeya dadgehê biryar da ku materyalên dîjîtal ên Zal ku li emaneta edlî ne werin xwestin û dema materyal hatin bêrî ku li benda roja danişînê bisekinin, bişînin Miduriyeta Polîsan a Amedê. Dadgehê xwesteka parêzerê Zal qebûl kir û danişîn taloqî 10’ê Sibata 2022’yan kir.&nbsp;

	&nbsp;

	&nbsp;