
Daxwaza sekinandina darizandina Bûldan nehat qebûlkirin 

2021-11-03 15:02:15


	&nbsp;

	ENQERE - Di danişîna doza Hevseroka Giştî ya HDP’ê Pervîn Bûldan ku bi îdîaya “endametiya rêxistinî” tê darizandin de daxwaza parêzeran a ji bo sekinandina darizandinê nehat qebûlkirin.&nbsp;

	&nbsp;

	Danişîna 11’emîn a doza Hevseroka Giştî ya HDP’ê Pervîn Bûldan ku bi hinceta çalakiyên beşdarî wan bûye, bi îdiaya "endamtiya rêxistinê" tê darizandin, li 18’emîn Dadgeha Cezayê Giran a Enqereyê hat dîtin. Danişîna ku Bûldan tevlînebû de parêzerên wê amade bûn.&nbsp;

	&nbsp;

	DIVÊ DARIZANDIN WERE SEKINANDIN

	&nbsp;

	Di danişînê de yek ji parêzerên Bûldan Kenan Maçoglû mafê axiftinê girt. Maçoglû, bi bîr xist ku biryara derbarê Parlementerê HDP’ê yê Kocaeliyê Omer Farûk Gergerlîoglû hatibû dayîn pêşkeşî dadgehê kirine û wiha got: “Biryar vekiriye û rê nade niqaşê jî. Biryareke ku dibêje parlementerek nikare were darizandin. Divê ev darizandin were sekinandin. Heke hûn ê sûc bikin.”

	&nbsp;

	DANIŞÎN HAT TALOQKIRIN

	&nbsp;

	Dadgehê daxwaza parêzeran a ji bo sekinandina darizandinê qebûl nekir û danişîn taloqî 16’ê Sibata 2022’yan kir.&nbsp;

	&nbsp;

	&nbsp;

	&nbsp;