
Li Licê 4 çawişên pispor ji ber firotina  tiryakê hatin girtin

2021-11-04 12:58:17


	&nbsp;

	RIHA - Li navçeya Licê 4 çawişên pispor ji ber bazirganiya tiryakê hatin girtin.&nbsp;

	&nbsp;

	Fermandariya Cendermeyan a Rihayê li xaçerêya gundê Ovacik û Çakmak yên navçeya Hîlwana Rihayê wesayîta bi pîleqeya 55 AAT 802 sekinandibû û di lêgerînê de 42 kîlo 100 gram esrar girtibû. Çawişê pispor Hanîfî N. ku ajokarê maşîneya zirxî ya girêdayî Fermandariya Cendermeyan a Navçeya Licê ye, di wesayîtê de hatibû binçavkirin.

	&nbsp;

	‘MIN DIBIR KU RADEST BIKIM’

	&nbsp;

	Hanîfî N. di îfadeya xwe de gotibû ku esrar bi 200 hezar lîreyan firotiye Hasan A. yê li gundê Sogutlu yên navçeya Hîlwanê rûdine û ji bo bibe radestî wî bike dibir. Di çarçoveya îfadeyê de di serdegirtina malê ya gundê Sogutlu de Hasan A. hatibû binçavkirin. Çawişê pispor Hanîfî N. û Hasan A. biribûn Fermandariya Cendermeyan a Bajêr.

	&nbsp;

	Piştî li Edliyeya Rihayê îfadeya her çar çawişên pispor û Hasan A. hat wergirtin, dadgehê her pênç kes girtin û şandin girtîgehê.&nbsp;

	&nbsp;