
Eskerên derketin operasyonê li gundiyan dan

2021-11-07 09:38:34


	&nbsp;

	MÊRDÎN - Eskerên hefteya borî li herêma Omerya ya Mêrdînê derketin operasyonê, li mirovên pîr ên li gund dan. Abdûrrahman Dînler ê 73 salî bi lêv kir ku ligel ket erdê jî eskeran ew daye ber pêhnan.&nbsp;

	&nbsp;

	Di 22'ê cotmehê de artêşa tirk li gundê Qurdîsê yê herêma Omeriya Mêrdînê dest bi operasyonê kiribû. Di şerê di 25’ê Cotmehê de derket de Songul Ozgun û HPG’iyeke navê wê nehat aşkerakirin jiyana xwe ji dest dabûn. Dema operasyonê berdewam dikir, di 25'ê Cotmehê de eskeran bi ser mala Îbrahîm Dînler (73) û Faîze Dînler (72) a li gundê Qurdîsê de girtibûn û herdu bi lêdanê binçav kiribûn. Dînler piştî 9 rojan bi şertê kontrola edlî hatibûn berdan.&nbsp;

	&nbsp;

	LI ERDÊ LÊ DAN

	&nbsp;

	Birâyê Îbrahîm Dînler ê bi lêdanê hatibû binçavkirin, Abdûrrahman Dînler ê 73 salî jî diyar kir ku roja operasyonê eskeran li wî jî dane. Dînler, dazanîn ku roja operasyonê ya ewil esker daketin gelî û lêgerîn kirin û bi lêv kir ku eskerên ku li gund noxte danîn, du rojan li gund man. Dînler, anî ziman ku eskeran dîwarekî di newalê de hilweşand û gelek darên zeytûnan jê kirin. Dînler, destnîşan kir ku eskerên ku bi ser mala wî de girtin li wî dan û hêj aliyê singê wî yê rastê diêşe. Dînler, bi lêv kir ku piştî ket erdê jî eskeran bi pêhnan li wî dane. &nbsp;

	&nbsp;

	BELA SEBEP LÊ DAN

	&nbsp;

	Dînler, diyar kir ku bi lêdana zêde demekê nikarî li ser piyan bisekine û dazanîn ku piştî eskeran tiştek li mala wî neditîn derketin. Dînler, bi lêv kir ku eskeran wêneyê Ozgun a jiyana xwe ji dest da nîşanê wê dane û pirsa ku wê nas dike an nas nake jê kirine. Dînler, anî ziman ku eskeran bêyî ku bêjin mirovekî pîr e, bela sebep li wî dane.&nbsp;

	&nbsp;