
Seroka Meclisa Katalonyayê: Wê têkiliyên bi Rêveberiya Xweser fermî bibin 

2021-11-08 11:53:54


	&nbsp;

	NAVENDA NÛÇEYAN - Seroka Meclisa Katalonyayê ku Rêveberiya Xweser bi awayekî fermî nas kir Laura Borras, diyar kir ku wê têkiliyên xwe yên bi Rêveberiya Xweser a Bakur û Rojhilatê Sûriyeyê re fermî bikin.&nbsp;

	&nbsp;

	Parlamentoya Katalonyayê di 20’ê cotmehê de statûya siyasî ya Rêveberiya Xweser a Bakur û Rojhilatê Sûriyê nas kir û bang li tevahî saziyên xwe û civaka sivîl kir ku destekê bidin ji nû ve avakirina herêmê. Ev naskirin û bang li herêmê bi awayekî erênî hat pêşwazîkirin. Rayedarên Rêveberiya Xweser, ji bo ku li qada navneteweyî bên naskirin xebatên xwe yên dîplomatîk didomînin û û destnîşan dikin ku bi baskirinê re wê çareseriya siyasî ya aloziya Sûriyeyê hêsantir bibe.&nbsp;

	&nbsp;

	Seroka Meclisa Katalonyayê Laura Borras, ji Ajansa Nûçeyan a Hawarê (ANHA) re axivî û diyar kir ku gelê Katalonyayê piştevaniya gelê kurd dike. Laura Borras, gelê Katalonyayê hiştiye ku biryara naskirina Rêveberiya Xweser a Bakur û Rojhilatê Sûriyê were dayîn û wiha got: "Ez bi hêvî me ev gav bibe destpêka naskirina statûya siyasî ya Rêveberiya Xweser li asta herêmên dîtir ên cîhanê."

	&nbsp;

	Di berdewamê de Borras, derbarê asta têkiliyên wan ên bi Rêveberiya Xweser de jî axivî û destnîşan kir ku ji berê ve di navbera saziyên rêxistinî û rêveberiya giştî û Rojava de têkilî hebûne û ev tişt got: "Bi nasandina Rêveberiya Xweser a li Parlamenta Katalonyayê re wê ev têkilî êdî baştir bibin. Piştî vê biryara naskirina têkiliyê wê derbasî qonaxa saziyî û fermî bibe."

	&nbsp;

	&nbsp;

	&nbsp;