
Hejmara kesên hatine binçavkirin derket 19’an 

2021-11-09 11:54:41


	&nbsp;

	AMED - Hejmara kesên ku di operasyona navenda wê Amed li 5 bajaran pêk hat de hatin binçavkirin, derket 19’an. Tê payîn ku kesên hatine binçavkirin wê di nava rojê de bi parêzerên xwe re hevdîtinê bikin.&nbsp;

	&nbsp;

	Polîsan di saetên serê sibê de li Amed, Îzmîr, Antalya û Mêrdînê bi ser gelek malan de girtibûn û siyasetmedarên HDP’î, DBP’î, ESP’î û PSK’î, sendîkavan û Dayikeke Aştiyê di nav de 18 kes binçav kiribûn. Dozgeriyê hevdîtina parêzeran a bi 18 kesên ku nehat zanîn ji bo çi hatine binçavkirin re ji bo 24 saetan sînordar kiribû.

	&nbsp;

	Hat hînbûn ku di çarçoveya operasyonê de polîsan endamê Meclîsa Şaredariya Sûrê yê HDP’î Omer Fîlîtoglû jî duh li Wanê binçav kirine û anîne Miduriyeta Polîsan a Amedê. Bi vê yekê re hejmara kesên di operasyonê de hatin binçavkirin derket 19’an. Tê payîn ku kesên hatine binçavkirin wê di nava rojê de bi parêzerên xwe re hevdîtinê bikin.&nbsp;

	&nbsp;

	Navên kesên hatine binçavkirin wiha ne: Rêveberên Rêxistina HDP'ê ya Bajêr a Amedê Mehmet Asena, Şeyhmus Yavuz, Hevserokê Rêxistina HDP’a Bismilê Şakîr Demîr, endamê Meclîsa Şaredariya Sûrê yê HDP’î Omer Fîlîtoglû, Hevserokê Rêxistina HDP'a Rezanê Nasir Yelter û rêveberê wê Huseyîn Baran, Rêveberên Rêxistina DBP'ê ya Bajêr a Amedê Yasemin Akengîn, Mehmet Alî Alkan, Mehmet Suslu û Abdulah Dengîz, Hevserokê Rêxistina Partiya Sosyalîst a Bindestan (ESP) a Bajêr a Amedê Erkan Keskin, Rêvebera Sendîkaya Kedkarên Xizmeta Tenduristî û Civakî (SES) a Şaxa Amedê Gulhan Tekîn, Hevseroka Egîtîm Senê ya Şaxa Amedê ya Jimara 2'an Arzu Koç, Cîgirê Serokê Giştî yê Partiya Sosyalîst a Kurdistan (PSK) Bayram Bozyel, Endama Desteya Rêveberiya Odeya Endeyzarên Makîneyê ya Şaxa Amedê Arîn Zumrut, Hevserokê TUM BEL-SEN'ê ya Şaxa Amedê Bakî Ondeş, Endama Meclîsa Dayikên Aştiyê ya Amedê Vesiye Yîgît, rêvebera TÛAY-DER’ê Şehrat Ûyanik û Nazîfe Yîgît.&nbsp;

	&nbsp;