
Name ji Girtîgeha Kiriklarê: Zext û zorî veguherîne îşkenceyê

2021-11-14 09:05:26


	&nbsp;

	ÎZMÎR - Girtiyên di Girtîgeha Kiriklarê de, diyar kirin ku zextên midûrê girtîgehê Hayydar Alî Ak, veguherîne îşkenceyê û ji bo vê bang li raya giştî kirin. &nbsp;&nbsp;

	&nbsp;

	Midûr Haydar Alî Ak ku du meh berê tayinî Girtîgeha Kiriklar a Bûca ya Îzmîrê hat kirin, her diçe zext û zoriyên xwe zêde dike. Girtiyên di Girtîgeha Jimare 2'yan a Tîpa F'yê de, binpêkirinên di demên dawî de ragihandin. Girtiyan di nameya xwe ya ku ji Komeleya Alîkariyê ya Ji bo Malbatên Girtî û Hikimxwaran a Egeyê (EGE-TÛHAYDER) şandin de, bang li raya giştî kirin ku di vî warî de hesas bin.&nbsp;

	&nbsp;

	Girtiyan diyar kir ku kamera li qawîş û hewadariyan hatine bicîkirin, dema hevdîtinan hatiye kêmkirin, qawîşên wan tim tên guherandin û gava li ber van pêkanînan radibin jî derbarê wan de lêpirsîn tên destpêkirin.&nbsp;

	&nbsp;

	Girtiyan bibîr xist ku piştî pandemiyê qedexe zêde bûne û çendî pêvajoya asayîbûnê dest pê kiriye jî li girtîgehan şert û mercên tecrîdeke giran heye û bi vê re mafên wan tên binpêkirin. Girtiyan di nameya xwe de ev tişt gotine: "Hê jî hevîtinên vekirî nayên kirin. Mehê 4 caran mafê me yê hevdîtinê heye, lê em 2 caran dikarin hevdîtinê bikin. Spor tenê mehê saetekê tê kirin, ew jî du kes tenê dikarin bi hev re bikin. Di qanûna dawî de dema hevdîtinê wekî saet û nîvê hatiye diyarkirin, lê li vê girtîgehê saetek tê kirin."&nbsp;

	&nbsp;

	LÊPIRSÎN Û QEDEXE

	&nbsp;

	Her wiha girtiyan di nameya xwe de &nbsp;bal kişandiye ser pêkanîn û zextên midûrê girtîgehê Haydar Alî Ak jî. Girtiyan di nameya xwe de gotin: "Alî Haydar Ak pêşî bi ser personelan de diçe. Bi vî awayî zemîna provakasyonê û êrişan amade dike. Qadên me yên tayebet, hewadarî û qawîşan, bi kamerayan dişopîne. Me ev kamerayên ku di tu qanûnan de tune ne, bi rûpelên rojnameyan girtin. Lê rabûn derbarê me hemûyan de lêpirsîn dan detpêkirin û cezayê hucreyê li me birîn. Du hevalên me ji ber vê bi zorê birin odeyên cuda ku em nizanin li ku derê ne. Gava em dirûşmeyan berz dikin û bertek nîşan didin, derbarê me de lêpirsîn tên destpêkirin. Bi vî awayî dixwazin me bifetsisînin. Gava deriyên odeyan digirin û vedikin jî bi dehamn karmend tên. Hewl didin me tahrîk bikin."

	&nbsp;

	BANGAWAZÎ

	&nbsp;

	Girtiyan ragihand ku dema hewadariyê saetek e û gotin: "Pêkanîneke dijminane ye. Ma dê hevalê me di saetekê de odeyên xwe bişon, dê pêgermokan bigerînin an jî dê serê xwe bişon? Pêkanîneke dij mirovahiyê ye."&nbsp;

	&nbsp;

	Girtiyan, di dawiya nameya xwe debang li raya giştî kirin ku di vî warî de hesas be.&nbsp;