
‘Osman Kavala berdin’ 

2021-11-26 12:26:01


	&nbsp;

	STENBOL - Endamên Piştevaniya Taksîmê û Platforma Em Geziyê Diparêzin ku beriya doza Geziyê li ber edliyeyê hatin gelhev, diyar kirin ku Gezî nikare were darizandin û xwestin Osman Kavala were berdan.&nbsp;

	&nbsp;

	Danişîna doza 16 parêzvanên mafan ku di nav de karsaz Osman Kavala ku ji ber çalakiyên Parka Gezî ji sala 2017’an ve girtî ye jî heye û 35 endamên koma alîgirên Beşîktaşê ya Çarşiyê dê li 13’emîn Dadgeha Cezayê Giran a Stenbolê ya Çaglayanê pêk were.&nbsp;

	&nbsp;

	Beriya danişînê bi banga endamên Piştevaniya Taksîmê û Platforma Em Geziyê Diparêzin li ber Edliyeya Stenbolê ya li Çaglayanê daxuyanî hat dayîn. Di danişînê de pankarta “Gezî hêvî ye, hêvî nayê darizandin” hat vekirin. Parlamenterên Partiya Demokratîk a Gelan (HDP) Zuleyha Gulm, Oya Ersoy, Parlamenterê Partiya Gel a Komarê (CHP) Sezgîn Tanrikûlû, Serokê Giştî yê Partiya Karkerên Tirkiyeyê (TÎP) Erkan Baş, nûnerên civaka sivîl û kesên ku di dozê de negirtî tên darizandin amade bûn.&nbsp;

	&nbsp;

	Di daxuyaniyê de Sekretera Piştevaniya Taksîmê Esîn Koymen axivî. Koymen, destnîşan kir ku Gezî nikare were darizandin û destnîşan kir ku Osman Kavala girtiyekî siyasî ye û divê were berdan.&nbsp;

	&nbsp;

	&nbsp;

	Piştî daxuyaniyê girse ji bo beşdarî danişînê bibe derbasî avahiya edliyeyê bû.&nbsp;

	&nbsp;