
Girtiya birîndar di 4 mehan de 4 caran hat sewqkirin 

2021-11-27 15:35:24


	&nbsp;

	ÊLIH - Gulgeş Tatli ku birîndar hatibû girtin sewqî Girtîgeha Jinan a Qayseriyê hat kirin.&nbsp;

	&nbsp;

	Girtî Gulgeş Tatli ya YJA-STAR'î di 26'ê tîrmehê de li herêma Meydandere ya Colemêrgê di şer de birîndar hatibû binçavkirin. Piştî binçavkirina 10 rojan hatibû girtin û ew şandibûna Girtîgeha Jinan a Colemêrgê. Bi birîndarî wê sewqî 3 girtîgehan kiribûn. Herî dawî wê sewqî Girtîgeha Tîpa M a Êlihê kiribûn.&nbsp;

	&nbsp;

	Duh dayika Tatli Fatman Tatli têkildarî rewşa keça xwe ji ajansa me re axivîbû û ragihandibû ku endamên MÎT'ê diçin Girtîgeha Tîpa M a Êlihê û sîxurtî li keça wê ferz dikin. Tatli, bertek nîşanî tiştên ku tînin serê keça wê dabû.&nbsp;

	&nbsp;

	Balkêş e piştî vê berteka dayika wê Tatlî careke din hat sewqkirin. Di nav 4 mehan de Tatli sewqî 4 girtîgehan hat kirin.&nbsp;