
KESK’ê serdana malbata Şenyaşar kir 

2021-12-02 15:59:37


	RIHA - Şandeyeke KESK’ê, serdana malbata Şenyaşar a têkoşîna xwe ya edaletê didomîne kir.&nbsp;

	&nbsp;

	Serdanên malbata Şenyaşar a li pêş Edliyeya Rihayê çalakiya xwe ya Nobeta Edaletê didomîne, berdewam dikin. Şandeya ku Endamê Desteya Rêveberiya Navendî (MYK) a Konfederasyona Sendîkayên Kedkarên Cemaweriyê (KESK) Varol Oztorun û endama MYK’a Sendîkaya Kedkarên Xizmetên Hemû Şaredarî û Rêveberiyên Herêmî (TUM BEL-SEN) Neval Arda di nav de, li qada ku weke “Quncê Edaletê yê Malbata Şenyaşar” tê binavkirin, serdana malbatê kir. Malbatê, şandeya ku Platforma Şaxan a KESK’a Rihayê jî pê re bû bi dowiza “Em tenê edaletê dixwazin” pêşwazî kir.&nbsp;

	&nbsp;

	‘PÊŞÎ LI HIQÛQÊ TÊ GIRTIN’

	&nbsp;

	Endamê MYK’a KESK’ê Varol Oztorûn, diyar kir ku KESK’ê di çarçoveya serdanên bajaran de serdana malbatê kirine û wiha got: “Di têkoşîna edaletê ya malbatê de li rex wan in. 3 sal û 6 meh derbas bûne lê hêj doz nehatiye vekirin. Wê demê li vê derê bêedaletî heye. Malbat li vê derê ji bo herkesê daxwaza edaletê dike. Me li Pirsûs û li Gara Enqereyê dît ku edalet tune ye. Bi guhertina dozgeran pêşiya hiqûqê tê girtin. Hêj gavek nehatiye avêtin. Heta ku edalet cihê xwe bibîne em ê li cem malbatê bin.”

	&nbsp;

	Ferît Şenyaşar jî destnîşan kir ku têkoşîna edaletê didome û wiha axivî: “Em di bin qeyraneke mezin de têkoşîna xwe didomînin. Ev ne tenê qeyraneke aboriye, di bingeha vê de bêedaletî û bêhiqûqî heye. Têkoşîneke me ya mafdar heye û ev serdan jî cesaretê didin me. Têkoşîna me bi piştevaniyê didome. Em spasiya şandeya KESK’ê dikin. Em dibêjin ji bo malbata Şenyaşar û ji bo herkesê edalet.”

	&nbsp;

	BERTEK NÎŞANÎ POLÎSAN DA

	&nbsp;

	Şandeyê piştî axaftinan bi malbatê re demekê Nobeta Edaletê girt. Dayika Emîne Şenyaşar a bertek nîşanî polîsên di vê navberê de dîmen dikişandin da û wiha got: “Desta ji me berdin herin kujeran bibînin.” Şande pişt re ji cihê nobetê veqetiya.&nbsp;

	&nbsp;