
Danişîna 6 rojnamevanan hat taloqkirin  

2021-12-09 11:26:52


	&nbsp;

	STENBOL - Danişîna doza 6 rojnamevanên ku ji ber e-maîlên wezîrê berê Berat Albayrak kiribûn nûçe tên darizandin, hat taloqkirin.&nbsp;

	&nbsp;

	Rojnamevan Omer Çelîk, Tunca Ogreten, Mahîr Kanaat, Derya Okatan, Eray Sargin û Metîn Yoksu e-maîlên aydî Wezîrê Enerjiyê yê berê Berat Albayrak de kiribûn nûçe. Derbarê her şeş rojnamevanan de bi îdiaya “endamên rêxistinê ne”, “propaganda rêxistinê”, “astengkirina sîstema înformatîk” û “tunekirina daneyan” doz hatibû vekirin. Danişîna 13’emîn a derbarê rojnamevanan de li 29’emîn Dadgeha Cezayê Giran a Stenbolê hat lidarxistin.&nbsp;

	&nbsp;

	Dozger hêj du roj di danişînê re mabû di celseya navberê de xwestibû rojnamevan werin cezakirin.&nbsp;

	&nbsp;

	Danişînê îro bi tespîta nasnameyan dest pê kir. Tunca Ogreten û parêzerên rojnamevanan û parêzera Berat Albayrak di danişînê de amade bûn. Dozger mutalaya xwe ya di 7’ê mehê de ku pêşkêş kiribû dubare kir. Parêzera Albayrak jî xwest rojnamevan werin cezakirin.&nbsp;

	&nbsp;

	Parêzeran miwekîlên xwe yên rojnamevan parastin û li ber cezakirina rojnamevanan rabûn û xwestin tevdîra kontrola edlî ya derbarê miwekîlên wan de werin rakirin. Parêzeran ji bo parastina li dijî mutalayê dem xwest.&nbsp;

	&nbsp;

	Dadgehê daxwaza rakirina tevdîra kontrola edlî red kir û daxwaza demê ya parêzeran qebûl kir û danişînê taloqî 31’ê kanûnê kir.&nbsp;

	&nbsp;

	&nbsp;