
‘Ji bo tarî were ronîkirin em li pey doza Denîz Poyraz in’ 

2021-12-12 13:35:34


	&nbsp;

	ÎZMÎR – Rêxistinên hiqûqê bal kişandin ser dosyeya doza Denîz Poyraz û gotin: “Hêzên li pişt qetliyamê hêj dernexistine holê. Ji bo tiştek di tariyê de nemîne, em li pey dozê ne.”&nbsp;

	&nbsp;

	Baroya Îzmîrê, Komeleya Hiqûqnasên Ji Bo Azadiyê (OHD), Komeleya Hiqûqnasên Hemdem (ÇHD), Komeleya Rojevî ya Mafê Mirovan, bi minasebeta Hefteya Mafê Mirovan têkildarî doza Denîz Poyraz a li avahiya Rêxistina HDP’ê ya Îzmîrê hat kuştin û wê danişîna wê di 29’ê kanûnê de were lidarxistin civîna çapemeniyê li dar xistin.&nbsp;

	&nbsp;

	Civîn li avahiya Baroya Îzmîrê pêk hat. Cîgirê Hevserokên Giştî yên HDP’ê Umît Dede ku ji Komîsyona Hiqûq û Mafê Mirovan Berpirsiyar e, nûnerên rêxistinên hiqûqê û parêzerên doza Denîz Poyraz beşdarî civînê bûn.&nbsp;

	&nbsp;

	‘BILA TARÎBÛN WERE RONÎKIRIN’&nbsp;

	&nbsp;

	Serokê Baroya Îzmîrê Ozkan Yucel di civînê de axivî û destnîşan kir ku di êrişa li ser avahiya HDP’ê de tenê ne Denîz Poyraz hat qetilkirin û got: “Ev êriş li dijî azadiya derbirîn û mafê jiyanê pêk hat. Ji bo ku berpirsiyar werin darizandin, çi ji destê me were em ê bikin. Em ê nehêlin ku bûyer di tariyê de bimîne. Bila hemû têkiliyên qirêj derxin holê. Em wek baroya Îzmîrê di 29’ê mehê de beşdarî danişînê bibin.”

	&nbsp;

	‘BILA CÎNAYET WERE ZELALKIRIN’&nbsp;

	&nbsp;

	Seroka Komeleya Rojevî ya Mafê Mirovan Ozlem Yilmaz jî anî ziman ku li Tirkiyê cînayetên nefretê dewam dikin û ew dixwazin cînayeta Denîz Poyraz were zelalkirin.&nbsp;

	&nbsp;

	ÇHD: EM LI PEY DOZÊ NE&nbsp;

	&nbsp;

	Sekrtera Giştî ya ÇHD’ê Nergîz Tuba Aslan jî destnîşan kir ku di serî de ew li pey doza Denîz Poyraz û hemû dozên nehatine zelalkirinê ne û dixwazin demildest bûyer were ronîkirin.&nbsp;

	&nbsp;

	‘DIXWAZIN SER DOSYEYÊ BIGIRIN’&nbsp;

	&nbsp;

	Endama OHD’ê Aryen Tûran jî da zanîn ku ew ji roja ewil a qetliyamê ve hewl didin delîl û detayan berhev bikin û bal kişand ser kêmasiyên di îdianameya hatiye amadekirinê. Turan anî ziman ku tê xwestin ser dosyeya dozê were girtin û ji bo faîlên rastî derbikevin holê wê têkoşîna xwe bidomînin.&nbsp;

	&nbsp;

	BANG&nbsp;

	&nbsp;

	Rêxistinên hiqûqê xwestin ku her kes bibe şopînerê doza Denîz Poyraz a wê di 29’ê kanûnê de were lidarxistin û ji bo rastî derkevin holê divê her kes bibe dengê vê dozê.&nbsp;

	&nbsp;

	&nbsp;

	&nbsp;