
Rapora pêşî ya otopsiya Guneş nedan parêzeran

2021-12-15 19:28:27


	AMED - Rapora pêşî ya otopsiya girtiyê nexweş Halîl Guneş ku jiyana xwe ji dest da nedan parêzeran.&nbsp;

	Girtiyê nexweş Halîl Guneş ê ku nivîskar bû îro li Girtîgeha Amedê ya Jimara 2’yan a Ewlehiya Bilind di hucreya yek kesî de ku dihat ragitin, bi awayek jiyana xwe ji dest daye hat dîtin. Cenazeyê Guneş rakirin Saziya Tiba Edlî (ATK) ya Amedê û piştî otopsiya demek dirêj hat kirin, cenaze ji bo were veşartin şandin Edeneyê cem malbata wî.&nbsp;

	&nbsp;

	Hat zanîn ku ATK’ê bi hêceta “tê rastkirin” rapora otopsiyê pêşî nedaye parêzeran. Ji Rêveberên MED TUHAD-FED’ê parêzer Yusuf Çakas li gorî ku ragihand Halîl Guneş serê sibê di jimartina saet li heyşt û nîvan de hatiye hînbûn jiyana xwe ji dest daye û pişt re rakirine revîrê û agahî dane dozger.&nbsp;

	&nbsp;

	PIŞTÎ SAET SISÊYAN CAREK DIN RANEBÛYE

	&nbsp;

	Çakas wiha got: “Di hevdîtina li girtîgehê hat kirin de Halîl Guneş heta saet sisêyê şeve jî li odeya xwe ji kamerayê hatiye şopandin û heta wê saetê jî di nava nivînên xwe de xwe biriye û aniye. Ji ber tevger kiriye gotine tiştek jê nebûye û piştî saet sisêyan tevgerên wî bi dawî bûne, personel qey gotiye ku raza ye.”&nbsp;

	&nbsp;

	Çakas destnîşan kir ku berpirsiyariya girtîgehê di mirina Guneş de heye û çawa dibe ku girtîgeh girtiyek wiha nexweş bi tenê û bêxwedî dihêle û ew ê vê yekê qebûl nekin.&nbsp;

	&nbsp;