Hevşaredarên Silopiya hatin darizandin 

2021-12-15 19:43:48


	 

	ŞIRNEX - Hevşaredarên Silopiya Adalet Fîdan û Suleyman Şavluk ji ber gilîkirinek li ser CÎMER'ê derbarê wan de hatibû kirin, hatin darizandin. 

	 

	Hevşaredarên Silopiya yên HDP'yî Adalet Fîdan û Suleyman Şavluk hatin darizandin. Derbarê hevşaredaran de li ser CÎMER'ê gilî hatibû kirin. Piştî vê gilîkirinê dozgeriyê bi îdiaya "endamtiya rêxistinê" lêpirsîn dabû destpêkirin. Danişîna ewil a hevşaredaran li 2'yemîn Dadgeha Cezayê Giran a Şirnexê hat lidarxistin. 

	 

	Adalet Fîdan berê jî bi îdiadya "endamtiya rêxistinê" hatibû darizandin û tevî ku ji vê dozê hatiye beraetkirin jî lê ew dosye li dosyeya niha hat zêdekirin. 

	 

	Hevşaredar û parêzerên xwe beşdarî danişînê bûn. Di darizandinê de hat dîtin ku hevşaredar ji ber xebatên xwe yên siyasî ku beşdarî şahî û çalakiyên partiya xwe HDP'ê bûne kirine mijara sûc. Piştî parastinan dadgehê danişînê taloqî meha adarê kir.