
Li Hewlêrê lehî rabû: 8 kesan jiyana xwe ji dest dan   

2021-12-17 10:18:16


	&nbsp;

	NAVENDA NÛÇEYAN - Li Hewlêrê ji ber barîna barana zêde lehî rabû û di encamê de 8 welatiyan jiyana xwe &nbsp;ji dest dan.&nbsp;

	&nbsp;

	Duh bi şev li seranserê Iraq û Herêma Kurdistanê baranek zêde barî û baran bû sedemê rabûna lehiyê. Bi taybet barana zêde bandorek neyînî li bajar û navçeyên Herêma Kurdistanê kir. Li taxên Daretû, Daretûya Nû, Jîn, Roşenbîrî, Quştepe û Şemamk ên Hewlêrê lehî rabû. Li gorî agahiyên hatine standin, ji ber lehiyê 8 kesan jiyana xwe ji dest dane. Ziyanek zêde ya madî çêbûye, bi dehan wesayît li ber lehiyê çûne û kolan xirab bûne. Hêjayî gotinê ye ji ber nebûna binesaziyek baş a li Hewlêrê salene, dema baran tê lehî radibe û dibe sedema karesatan. Waliyê Hewlêrê Umîd Xoşnav jî aşkera kir ku 8 welatiyan jiyana xwe ji dest daye.&nbsp;