
Testa koronayê ya girtiyê nexweş Ozkan cara duyemîn pozîtîf derket

2021-12-21 13:28:50


	&nbsp;

	AMED - Testa koronayê ya girtiyê nexweş ê giran Mehmet Emîn Ozkan ê rakiribûn nexweşxaneyê û pişt re dîsa biribûn girtîgehê, cara duyemîn pozîtîf derket.&nbsp;

	&nbsp;

	Girtiyên nexweş ê giran Mehmet Emîn Ozkan ê 83 salî ku li Girtîgeha Tîpa D a Amedê tê ragirtin, di 6’ê Kanûnê de bi lawê xwe re bi vîrûsa koronayê (Kovîd-19) ketibû. Ozkan ê rewşa wî nebaş bû û bêhn lê teng bû, di 8’ê Kanûnê de rakiribûn Nexweşxaneya Perwerde û Lêkolînê ya Gazî Yaşargîl a Amedê. Ozkan ku ji ber şert û mercên kronîk di nava koma rîskê de ye, beriya ku testa wî bibe negatif di 12’ê Kanûnê de careke din birin girtîgehê. Testa Ozkan ê ji wê dîrokê ve di hucreya karantînayê de tê girtin, di nava 16 rojan de nebû negatîf.

	&nbsp;

	HERTIM DIKUXE

	&nbsp;

	Lawê Ozkan, Nevzat Ozkan diyar kir ku duh bi bavê xwe re bi telefonê axivî ne. Ozkan, dazanîn ku testa koronavîrûsê ya bav û birayê wî careke din pozîtîf derketiye. Nevzat Ozkan bi lêv kir ku derketina testa pozîtîf a bavê wî dibe ku nîşaneya bi varyanta delta ketibe be û anî ziman ku hêj birayê wî û bavê wî di odeya karantînayê de dimînin. Ozkan, destnîşan kir ku bavê wî her tim dikuxe.

	&nbsp;