
Di nava 10 rojan de 16 penaberan di avên Yewnanîstanê de jiyana xwe ji dest dan 

2021-12-25 14:34:44


	ENQERE - Li avên bejahiyê yên Yewnanîstanê yên derya Egeyê piştî ku keştiyek noqî avê bû du kesên din jiyana xwe ji dest dan û hejmara penaberên di deh rojan de li heman herêmê jiyana xwe ji dest dan derket 16’an.&nbsp;

	&nbsp;

	Parastina Peravê ya Yewnenîstanê aşkere kir ku duh bi şev li girava Parosê di qezayeke keştiyekê de 2 kes xeniqîn û 57 kes hatin xelaskirin.&nbsp;

	&nbsp;

	Rayedarên yewnan li bakurrojavayê giravê, ku xirbeyê keştiya sêyemîn a penaberan lê bû, dest bi xebatên lêgerîn û rizgarkirinê kirin. Li gorî Ajansa Nûçeyan a Atînayê di keştiyê de 80 kes hebûn û agahî nehat dayîn bê keştî çawa noqî avê bûye.&nbsp;

	&nbsp;

	DI KEŞTIYÊ DE 11 CENAZEYÊN PENABERAN HATIN DERXISTIN

	&nbsp;

	Rayedarên Yewnanîstanî dan xuyakirin ku wan beriya du rojan ji enkaza keştiyeke din 90 kes rizgar kirine û xwe gihandine cenazeyên 11 kesan. Heftiya borî jî aktîvîstekî Iraqî gotibû ku kesekî ku ji Herêma Kurdistan bi rê ketî û di keştiyê de bû, li wî geriyaye û gotiye keştiya wan ber bi noqî avê bibe ye.&nbsp;

	&nbsp;

	HEJMARA MIRIYAN DERKET 16’AN

	&nbsp;

	Ji bo koçber û penaberên ji Afrîka, Rojhilata Navîn û wêdetir, Yewnanîstan yek ji rêyên bingehîn ên Yekîtiya Ewropayê ye. Hejmara kesên di kêmtirî deh rojan de di avên Yewnanîstanê de jiyana xwe ji dest dan, gihişt 16’an.&nbsp;

	&nbsp;

	&nbsp;