
Doza Denîz Poyraz: Kesê bi kujer re çûye hotêlê li Enqereyê polîstiyê dike

2021-12-29 17:13:10


	ÎZMÎR - Parêzer Îmdat Ataş di doza Denîz Poyraz de axivî û destnîşan kir ku kesê bi Gencer re li texsiyê siwar bûye û çûye hotêlê li Enqereyê polîsek wezîfedar e.&nbsp;

	Danişîna ewil a doza kujerê Denîz Poyraz, Onur Gencer jê tê darizandin li Dadgeha Îzmîrê berdewam dike. Danişîn bi beyanên parêzerên dozê berdewam dike.&nbsp;

	&nbsp;

	'ÊRIŞEK PLANKIRÎ YE’

	&nbsp;

	Ji parêzerên dozê Turkan Aslan Agaç derbarê îdianemeyê de axivî û destnîşan kir ku êrişa li dijî HDP’a Îzmîrê û qetilkirina Denîz Poyraz bi pilankirî hatiye kirin û êrişa li dijî HDP’a Bahçelîevlerê jî ji êrişa Îzmîrê necudatir e. Agaç destnîşan kir ku delîlên doza Denîzê bi awayek birêkûpêk nehatine berhevkirin û ev yek bûye sedema reşkirina delîlan. Agaç anî ziman ku destpêkê dewlet ji van êrişên tên kirin berpirsiyar e û neçar e ku van êrişên pilankirî asteng bike û bide rawestandin. Agaç anî ziman ku delîl kêm hatine berhevkirin û divê polîs û daraz di vê bûyerê de bêalî û birêkûpêk li serê rawestiyan.&nbsp;

	&nbsp;

	‘BILA HÊZÊN LI PIŞT KUJER WERIN EŞKEREKIRIN’&nbsp;

	&nbsp;

	Ji parêzerên dozê Îmdat Ataş jî axivî û destnîşan kir ku êrişkar bi tenê êrişê pêk neaniye û divê dozgeriyê div ê çarçoveyê de lêpirsîn birêve bibira û ji bo vê yekê têra xwe delîl di destê wan de hene. Ataş anî ziman ku dibe were gotin êrişkar bi tenê bûye lê ev nayê wê maneyê ku bi tenê bûye û hêzên li pişt wî jî hebûne. Ataş got ew dixwazin têkilî û hemû hêzên li pişt kujer werin eşkerekirin û ev lêpirsîn bi kêmasî hatiye temamkirin. Ataş da zanîn ku têkiliya kujer Onur Gencer ya bi SADAT’ê û rêxistinên din re nehatiye lêkolînkirin û ev êriş bi armancek nefretê û nijdaperestiya li hemberî kurdan hatiye kirin.&nbsp;

	&nbsp;

	ÇENTE LI GIRTEKÊ NENIVÎSANDIN E&nbsp;

	&nbsp;

	Ataş destnîşan kir ku çenteyê kujer di girtekê de nîne û belgeyên gumanbaran jî di dosyeyê de nîne. Ataş diyar kir ku tê xwestin bi van delîlên kêm ser bûyerê were girtinê. Ataş anî ziman ku dozgerî jî û polîs jî hevkarên vî sûcî ne.&nbsp;

	&nbsp;

	KESÊ GUMANBAR LI ENQERÊ POLÎS E!&nbsp;

	&nbsp;

	Ataş destnîşan kir ku di telefona kujer de 72 hezar û 667 wêne hebûne lê ji van wêneyan tenê 23 wêne hatine lêkolînkirin û dozgerî û polîsan pêdiviya lêkolînkirinê nedîtine. Ataş destnîşan kir ku gumanbarê bi navê Oytun Yuksel bi kujer Gencer re çûye Hotêla Kara Termal û bi heman awayî jî çûye ber avahiya HDP’ê. Ataş anî ziman ku ev kesê gumanbar Oytun Yuksel li gel kujer di texsiyê de çûye hotêlê û hatiye tespîtkirin kul i Midûriyeta Polîsan a Enqereyê polîsek wezîfedar e. Ataş got têkildarî vî kesê gumanbar lêkolîn nehatiye kirin û li gel ku polîs ji vî kesî haydar in jî lê dîsa jî tiştek nehatiye kirin. Ataş da zanîn ku têkiliya kujer Gencer a bi SADAT’ê re jî nehatiye lêkolînkirin. Ataş anî ziman ku hejmara materyalên dîjîtal ên di dosyeyê de 8 heb in û dosyeyek kêm xuya dike û materyalek winda xuya dike.&nbsp;

	&nbsp;

	Danişîn bi beyanên parêzeran berdewam dike.&nbsp;

	&nbsp;