
Nobeta Edaletê ya Malbata Şenyaşar li Stenbolê ye 

2022-01-03 12:15:58


	&nbsp;

	RIHA - Malbata Şenyaşar a têkoşîna xwe ya edaletê didomîne, dê di roja 301’emîn de li Stenbolê serdana ÎHD’ê û Partiya Şoreşger bike.&nbsp;

	&nbsp;

	Çalakiya Nobeta Edaletê ya malbata Şenyaşar a di 9’ê Adara 2021’an de li pêş Edliyeya Rihayê daye destpêkirin, di roja 301’emîn de ye.&nbsp;

	&nbsp;

	Ferît Şenyaşar ê duh ji bo tevlî “Forûma Gel” a Hêzên Têkoşîna Yekbûyî (BMG) bibe çû Stenbolê, dê îro ji bo daxwaza piştgiriya hiqûqî serdana Şaxa Komeleya Mafên Mirovan (ÎHD) a Stenbolê û Serokatiya Partiya Şoreşger a Yekbûyî ya Stenbolê bike. Dayika Emîne Şenyaşar jî li mala xwe ya li navçeya Pirsûsê nobeta xwe didomîne.&nbsp;

	&nbsp;

	‘TENÊ YEK GIRTÎ JÎ NÎNE’

	&nbsp;

	Malbata Şenyaşar, li ser hesabê xwe yê medya dîjîtal ev peyam parve kir: “We sê mirovên me li nexweşxaneyê qetil kirin. Tenê yek girtî jî nîne. Êdî birayê me yê nêzî 4 sal in bi biryareke siyasî di hucreyeke yek kesî de tê girtin, berdin. Hin parlementerên AKP’ê jî vê zilmê qebûl nakin.”

	&nbsp;

	&nbsp;