
Rojnamevan Metîn Goktepe li ser gora xwe hat bibîranîn  

2022-01-08 13:47:57


	&nbsp;

	STENBOL - Malbat û hevpîşeyên rojnamevan Metîn Goktepe wî di salvegera 26’emîn a qetilkirina wî de li ser gora wî bibîranîn.&nbsp;

	&nbsp;

	Rojnamevan Metîn Goktepe di 8’ê çileya 1996’an de li Stenbolê hatibû qetilkirin û 26 sal di ser re derbas bû. Hevpîşe û malbata Goktepe di salvegera 26’an de li ser gora wî ya li Goristana Kemera navçeya Esenelar Stenbolê bîbîranîn. Gora Metînî bi qerenfîl, wêne û rojnameya Evrenselê hat xemilandin. Xwişka wî Meryem Goktepe, Serokê Giştî yê EMEP’ê Ercument Akdenîz, Parlamenter û rojnamevan Ahmet Şik, gelek rojnamevan û kes beşdarî bîranînê bûn û deqîqeyek rêz girtin.&nbsp;

	&nbsp;

	ENERJIYA WÎ RÊ NÎŞANÎ WAN DIDE&nbsp;

	&nbsp;

	Gerînendeyê Weşana Giştî yê Rojnameya Evrenselê Fatîh Polat axivî û destnîşan kir ku enerjî û keda Metîn Goktepe ji wan re bûye nîşandayîna rê û rêbaz û ew di dilê wan de dijî.&nbsp;

	&nbsp;

	DÊ METÎN JI BÎR NEBE&nbsp;

	&nbsp;

	Meryem Goktepe ya xwişka Metîn Goktepe jî axivî û destnîşan kir ku doza Metîn ji bo wan bidawî nebûye û ew ê tu carê Metîn ji bîr nekin.&nbsp;

	&nbsp;

	ROJNAMEVAN DI VÊ RIYÊ DE DIMEŞIN&nbsp;

	&nbsp;

	Serokê Giştî yê Sendîkaya Rojnamevanên Tirkiyê Gokhan Dûrmûş jî diyar kir ku rojanmevanên niha û yên bên wê li ser rêya Metîn li pey rastiyan bimeşin û ew ê dev ji daw û doza Metîn bernedin.&nbsp;

	&nbsp;

	XWEDÎ LI VÎ RUHÎ DERKEVIN&nbsp;

	&nbsp;

	Serokê EMEP’ê Ercument Akdenîz jî anî ziman ku li Tirkiyê mafê agahî ango nûçe wergirtinê bi qasî mafê nan girtîng e û ew ê her ruh û keda Metîn bidin jiyandin û xwedî lê derkevin.&nbsp;

	&nbsp;

	MÎRAS LI PEY XWE HIŞT&nbsp;

	&nbsp;

	Parlamenter Ahmet Şik jî da zanîn ku ji bo xwedî li mîrasa Metîn derkevin îro li vir in û dê her xwedî li vê mîrasê derkevin.&nbsp;

	&nbsp;

	KUJER HEMAN IN&nbsp;

	&nbsp;

	Dayika Berkîn Elvan, Gulsum Elvan jî axivî û destnîşan kir ku kujerên Metîn û kurê wê Berkîn heman kujer in.&nbsp;

	&nbsp;

	Bernameya bîranîn piştî axaftinan bi dawî bû.&nbsp;

	&nbsp;

	&nbsp;

	&nbsp;