
Biryara neşopandinê dan Sezgîn û Altintaş

2022-01-10 09:07:35


	STENBOL - Lêpirsîna derbarê 10 kesên ku di nava wan de nûçegihanên me Mahmût Altintaş û Enes Sezgîn ên dema şopandina nûçeyan de hatibûn binçavkirin jî hebûn, neşopandinê encam bû.&nbsp;

	Meclîsa Ciwanan a Partiya Demokratîk a Gelan (HDP), xwestibû ku di 16’ê Kanûna 2021’an de di salvegera 30’emîn damezrandina Navenda Çanda Mezopotamyayê (NÇM) de astengkirina konsera “Berbang” a ji aliyê Qeymeqamtiya Kadikoyê ve li Cadeya Îstîklalê şermezar bike. Di êrişa polîsan a li ser ciwanan de nûçegihanên me Mahmût Altintaş û Enes Sezgîn ên nûçe dişopandin jî di nav de 10 kes hatibûn binçavkirin. Pişt re Serdozgeriya Komarê ya Stenbolê derbarê rojnamevan Altintaş û Sezgîn ên hatin binçavkirin û 8 kesên din de bi îdiaya “Muxalefta li dijî qanûna civîn û xwepêşandanan” lêpirsîn dabû destpêkirin.&nbsp;

	&nbsp;

	Di lêpirsîna hat birêvebirin de çalakiya şermezarkirinê ne di çarçoveya xala 34’emîn a Makeqanûnê ye û hat îdiakirin ku çalakî “ewlehiya netewî, nîzama giştî, tenduristiya giştî û exlaqê giştî binpê dike an jî heq û azadiya kesên din sînordar dike.” Di meşê de pankarta “Tevî zîhniyeta we ya faşîst em ê çanda xwe bi ruhê Apê Mûsa zindî bihêlin” û dirûşmeya “Li dijî faşîzmê mil bi mil” û meş weke hêmanên sûc hatin nîşandan. Her wiha hat îdîakirin ku organîzatorên çalakiyê belav nebûne, lewma polîsan mudaxile kirine.&nbsp;

	&nbsp;

	BIRYARA NEŞOPANDINÊ&nbsp;

	&nbsp;

	Lê belê di heman lêpirsînê de hat ragihandin ku qeydên kamerayên ji bo îspatkirina rastiya îdîayan nînin û pankarta hat hilgirtin nikare di çarçoveya sûc de bê nixumandin, lewma hêmanên hiqûqî yên sûc neqewimîne û biryara neşopandinê hat dayîn.&nbsp;

	&nbsp;

	&nbsp;