
Malbata girtî Batû bi daxwaza 'mudaxileya lezgîn' serî li Wezareta Dadê da 

2022-01-11 22:41:05


	&nbsp;

	MÊRDÎN - Malbata girtî Hogir Batû ku li Girtîgeha Îdir a Tîpa S'yê dest û pêyên wî hatibûn girêdan û hatibû îşkencekirin, ji bo "mudaxileya lezgîn" serî li Wezareta Dadê da.&nbsp;

	&nbsp;

	Girtî Hogir Batû ku gava ji Girtîgeha Jimare 1 a Amedê sewqî Girtîgeha Îdirê ya Tîpa S'yê hatibû kirin, di dema sewqkirinê de dest û pêyên wî hatibûn girêdan, li têketina girtîgehê lêgerîna tazî lê hatibû ferzkirin û hatibû derbkirin. Batû li dijî van binpêkirinan dest bi çalakiya greva birçîbûnê kiribû. Çalakiya greva birçîbûnê ya Batû 19 roj in didome.

	&nbsp;

	Her wiha gardiyanên ku serê Batû şikandibûn jê re gotibûn "te hê xwe nekuştiye?"

	&nbsp;

	Dêya Batû ji ber van tahde û binpêkirinên mafan serî li Komeleya Mafên Mirovan (ÎHD), Baroya Îdirê û Wezareta Dadê da. Dayik Zahîde Batû, diyar kir ku kurê wê tê îşkencekirin û bi maumeleyeke pir xirab re rû bi rû dimîne. Dayik Batû, di serlêdanê de destnîşan kiriye ku rêvebiriya girtîgehê xwekuştinê li kurê wê ferz dike û daxwaznameyên wî esas nayên girtin û gotiye: "Fikarên min hene. Jiyana kurê min di xetereyê de ye û demildest divê mudaxileyî vê yekê bê kirin. Ji ber vê dixwazim demildest tevdîr bên girtin û derbarê musebîban de lêpirsîn bê destpêkirin."&nbsp;