
Nûnerên sendîkayan: Berpirsê mirina Enes îqtidar e

2022-01-13 20:09:18


	&nbsp;

	ENQERE - Nûnerên sendîkayan, destnîşan kirin ku berpirsê mirina Enes Kara ku li wargeha cemaetê dima û ji ber zextên cemawetê xwe kuşt, îqtidar e û xwestin saziyên cemaetê û terîqat bên girtin.&nbsp;

	&nbsp;

	Şaxên Sendîkaya Egîtîm-Senê yên Enqereyê, Odeya Bijîşkan a Enqereyê, Komeleya Malbatên XWendekaran (Velî-Der) a Şaxa Enqereyê, Egîtîm-Der a Enqereyê û Komeleya Piştevaniyê ya Malbatên Hemû Xwendekaran (OvD-Der) têkildarî mirina xwendekarê tibê Enes Kara ku li wargeha terîqetekê dima û ji ber zextên liw argehê xwe kuşt, li ber avahiya Egîtîm-Sen a Şaxa 5'an daxuyaniyek dan.&nbsp;

	&nbsp;

	Di daxuyaniyê de dirûşmeyên wekî "Bil wargehên terîqatan bên girtin" hatin berzkirin.&nbsp;

	&nbsp;

	‘JI BO GORÊN NAYÊN MEZINKIRIN'

	&nbsp;

	Serokê Giştî yê Ov-Der'ê Enver Onder, destnîşan kir ku gelek ciwan xwe dikujin û got: "Ev tenê yên di çapemeniyêd e dertên. Bi qasî aboriyê divê em xwedî li zarokên xwe perwerdehiya xwe jî derkevin. Pêyên xw ebi hindaze bavêjin, ev mirov ji bo gorê nayên mezinkirin."&nbsp;

	&nbsp;

	‘ZAROKÊN ME NE BÊXWEDÎ NE'

	&nbsp;

	Paşê Seroka Velî-Der a Şaxa Enqereyê Hulya Daran Devecî axivî. Devecî, diyar kir ku zarokên wan ne bêxwedî ne û got: "Em xwedî li zarokên xwe derdikevin. Heya mafê hêwirandinê bê pêkanîn dê têkoşîna me bidome."&nbsp;

	&nbsp;

	‘EM DAWA LÊBORÎNÊ LI ENES DIKIN'

	&nbsp;

	Serokê Egîtîm-Sen a Şaxa 5'an Mûtlû Aslan Bûndan jî destnîşan kir ku mafê hêwirandinê xwendekar û malbatên wan ber bi bêçaretiyek mezin ve dibin û got: "Em dawa lêborînê li birayê xwe Enes dikin, ji ber me ew ji nav lepê vê tarîtî û zorbetiyê xelas nekir."&nbsp;

	&nbsp;

	‘BERPIRSÊ VÊ ÊŞÊ ÎQTIDAR E'

	&nbsp;

	Bûndan, anî ziman ku ew dizanin kî ebrpirsê vê êşê ye û got: "Berpirsê vê êşê kesên ku malbatan û zarokên wan mehkûmî cemaet û terîqatan dikin. BErpirsê vê êşê ew kesên ku li Aladagê, li Karamanê, li Kaîmderê, Alîmderê serê tiştên hatins erê zarokên me nixumandin. BErpirsê vê êşê kesên ku laîktiyê binpê dikin û paşverûtiyê li civakê ferz dikin."&nbsp;

	&nbsp;

	Bûndan, destnîşan kir ku demildest divê wargehên heyî yên cemaet, terîqat û weqfan bên îstimlaqkirin.&nbsp;

	&nbsp;

	Daxuyanî bi berzkirina dirûşmeyan bi dawî bû.&nbsp;