
Di doza êrişa malbata Dedogullari de dadger destûrê neda pirsa derbarê kurdan de  

2022-01-14 11:48:43


	ENQERE - Serokê Dadgehê di doza êrişa li dijî Malbata Dedeogullari de pirsa derbarê kurdan de red kir. Polîsan jî di danişînê de êrişî xizmên malbatê kirin. &nbsp;

	&nbsp;

	Li dijî ferdên Malbata Dedeogullari di 12’ê Gulana 2021’an de li Konyayê êrişek nijadperest pêk hatibû. Êriş ji aliyê malbatên Çalik û Keleş ve hatibû kirin. Derbarê vê êrişa nijadperest de derbarê 9 kesan de ji sûcê “hewldana kuştina bi qestî”, “birîndarkirina bi qestî” û “binpêkirina destnedayîna qonûtê” doz hatibû vekirin. Danişîna ewil a doza êrişê li 8’emîn Dadgeha Cezayê Giran a Konyayê dest pê kir. Danişînê bi tespîta nasnameyan dest pê kir.&nbsp;

	&nbsp;

	Çetîn Dedeogullari yê ku tenê ji malbatê maye, xizmên xwe û rêveber û parlamenterên HDP’ê û gelek parêzer beşdarî danişînê bûn. Di danişînê de balkêş bû gelek polîs hatibûn bicihkirin û du dozger jî cihê xwe girtin.&nbsp;

	&nbsp;

	Alî Keleş û Lutfi Keleş ku ji dozê girtî tên darizandin bi SEGBÎS’ê beşdarî danişînê bûn û bersûc Ali Çalık, Ali Keleş, Ayşe Keleş, Îbrahîm Keleş, Ramazan Çalik, Velî Keleş û Yahya Çalik jî eywanê amade bûn.&nbsp;

	&nbsp;

	Ewilî Alî Keleş axivî û bi gotinên xwe malbata Dedeogullari sûcdar kir. Lê îfadeyên Keleş ên li dozgeriyê û emniyetê cuda yanî bi nakokî derketin.&nbsp;

	&nbsp;

	PIRSA DERBARÊ KURDBÛNÊ DE RED KIR&nbsp;

	&nbsp;

	Parêzerên bersûc jê pirsa, “Wekî din cîranên we kurd hebûn, bi malbata Dedeogullari re pirsgirêka kurd û tirk diqewimî” kirin. Serokê Dadgehê bi hêceta “bila mijar neçe cihek din” pirskirina pirsan red kir.

	&nbsp;

	Danişînê bi parastina parêzeran berdewam kir.&nbsp;

	&nbsp;

	POLÎSAN ÊRIŞÎ XIZMÊN MALBATÊ KIR

	&nbsp;

	Di danişînê de xizmên malbata Dedeogullari ji bersûcan re gotin, “derewan nekin” û xwestin îfadeyên xwe rast bidin. Li ser vê yekê di danişînê de xirecir derket û polîsan êrişî xizmên malbata Dedogullari kir û li hin ferdên malbatê dan.&nbsp;

	&nbsp;

	Şandeyê eywana danişînê terk kir û polîsan her kesî ji eywanê derxist. Ji bo danişîn berdewam bike li benda biryara dadgehê hatiye sekinandin.&nbsp;

	&nbsp;