ROJEVA 21'Ê ÇILEYA 2022'YAN 

2022-01-21 09:00:40


	* Çetîn Dedeogullari yê 7 ferdên malbata wî hatin qetilkirin diyar kir ku îfadeyên 7 ferdên malbata wî ya “Ji ber em kurd bûn me qetil kirin” ji nedîtî ve hatiye û berevajî gotinên rayedaran îdianame hatiye amadekirin. 

	* Şaredariya Bajarê Mezin a Mêrdînê ya qeyûm tayinî wê hatiye kirin, li navçeya Artûklûyê dijî qanûnê revîzyonek îmarê amade kir û qadên hêşîn û pîşesaziyê veguherand qada avahiyan û bazirganiyê.

	 

	* Rêvebirê ARSÎSA'yê Mûrat Sekmen ku di çarçoveya dersên bijartî de têkildarî bijartina kurdî de axivî, got: "Perwerdehiya bi zimanê zikmakî mafê civakê ye. Lewma wekî dersên bijarte berpêşkirina wê heqaret e."

	 

	* Parlementerê HDP'ê yê Şirnexê Huseyîn Kaçmaz, ji bo binçavkirin û girtinên li Şirnexê yên vê dawiyê got: "APK-MHP di bin kirasê hiqûqê de dijminatiyê dikin." 

	 

	* Li Sûrê avahiyên dîrokî yên tesîclkirî di bin avê de man. Serokê Odeya Mîmaran a Amedê Ferît Kahraman, anî ziman ku ev ava ku ji ber texrîbkirina avahiyan kom bûye dê zirarê bide avahiyên dîrokî. 

	 

	* Girtîgeha nû ku AKP'ê wekî "îstihdam ji bo Semsûrê" lanse kir, bû cihê bertekan. Serokê ÎHD'a Semsûrê Bulent Çinar, diyar kir ku girtîgeh ji bo bajarekî nabe "îstihdam" û pêdiviya Semsûrê ne bi girtîgehê bi qadên îstihdamê heye. 

	 

	* Şêniyên Taxa Ben û Senê ku qeyûmê Amedê ji bo wan gotibû "em û wan li hev dikin" gotin: "Bi fiyetê ji bo xaniyên me diyar kirine em nikarina xurekî jî bikirin. Bi tu awayî guh li mexdûriyetê nakin." 

	 

	* Nobeda Edaletê ya Malbata Şenyaşar wê di roja 319'emîn de berdewam bike. 

	 

	* Platforma Jinan a Çîgliyê ya Îzmîrê wê têkildarî doza Denîz Poyraz li avahiya Komeleyên Demokratîk a Elewî ya Şaxa Îzmîrê civîna çapemeniyê li dar bixe. (11.00)

	 

	* Şaxa ÎHD'a Enqereyê wê raporek 3 mehan a têkildarî girtîgehên herêma Anatoliya Navîn  li avahiya xwe belav bike. (12.00)

	 

	* Nobeda Edaletê ya malbatên girtiyan a li Wanê û Amedê wê berdewam bike. (13.00-16.00)

	 

	* Platforma Jinan a Îzmîrê wê bi armanca piştevaniyê ji bo siyasetmedara kurda Aysel Tugluk ku li girtîgehê nexweş e dê li PTT'ê kartan bişîne. (15.00)