
Nivîskar Omer Agin ji doza xwe beraet kir  

2022-02-08 16:29:00


	&nbsp;

	AMED - Nivîskar Omer Agin ku bi îdiaya “endamtiya rêxistinê” dihat darizandin, ji doza xwe beraet kir.&nbsp;

	&nbsp;

	Derheqê nivîskar Omer Agin de bi hinceta ku delegeyê Kongreya Civakên Demokratîke (KCD), bi îdiaya “endamtiya rêxistinê” doz hatibû vekirin. Doza Agin, îro li 5’emîn Dadgeha Cezayên Giran a Amedê hat dîtin. Agin neçû danişînê lê parêzera wî Ferîde Laçîn amade bû.&nbsp;

	&nbsp;

	Dozgerê dozê di mutalaaya xwe de îdia kir ku KCD, di çarçoveya paradîgmaya Rêberê PKK’ê Abdullah Ocalan de hatiye damezirandin û ji ber ku Agin jî delegeyê wê saziyê ye, divê bi tawana “endamtiya rêxistinê” were cezakirin.&nbsp;

	&nbsp;

	Parêzer Ferîde Laçîn jî parastina muwekîlê xwe kir û got ku tevli mutalaaya dozger nabe. Laçîn destnîşan kir ku muatalaa tenê ji delîlên alehe hatiye amadekirin. Laçîn da zanîn ku muwekîlê wê, weke nivîskar û rojnameger beşdarî wan civînan bûye ku hinek parlamenter jî tev li bûbûn. Parêzer Laçîn piştî parastina xwe jî xwest ku muwekîlê wê were berdan.&nbsp;

	&nbsp;

	Şandeya dadgehê jî biryara beraetê da û xwest ku tevdîrên kontrola edlî jî bên rakirin.&nbsp;

	&nbsp;