Rojnameger Demîr beraet kir

2022-02-09 14:17:35


	 

	ÎZMÎR - Rojnameger Rûken Demîr, di doza ku jê dihat darizandin de beraet kir. 

	 

	Danişîna 9'emîn a doza ku bi angaşta "endamtiya rêxistinê" li rojnameger Rûken Demîr hatibû vekirin, li 19'êmîn Dadgeha Cezaya Giran a Îzmîrê hat dîtin. Demîr û parêzerê xwe Zafer Încîn tevlî danişînê bûn. Demîr, di danişînê de li dijî mutalaaya ku di danişîna beriya niha de derbarê wê de hatibû dayîn parastin kir û got ku xebatên wê xebatên rojnamegeriyê ne û sûcdariyên li xwe red kir û daxwaza beraeta xwe kir. 

	 

	Piştî Demîr parêzerê wê Zafer Încîn jî parastina muwekîla xwe kir û  daxwaza beraeta wê kir. 

	 

	BERAET 

	 

	Piştî parastinan heyeta dadgehê, ji ber delîlên kêm biryara beraetê ji bo Demîr da.