
Di dosyeya 'kiryarên wê diyar' de biryara 'kiryar nediyar' hat dayîn 

2022-02-10 09:03:11


	STENBOL - Dadgeriya Ceza ya Sulhê têkildarî dosyeya Lîder Polatê HDP'î yê hatibû revandin, îşkencekirin û sîxurtî lê hatibû ferzkirin biryar dabû ku lêpirsînek çalak nehatiye kirin. Dozgeriyê jî bereksê dadgeriyê biryarek da û dosyeyê daxilî nav yên "kiryra nediyar" kir.&nbsp;

	Endamê Meclîsa Ciwanan a Partiya Demokratîk a Gelan (HDP) Lîder Polat di 27'ê Tebaxa 2020'î de li Taxa Soganlik ya navçeya Kartal a Stenbolê gava diçû metroyê 4 kesên xwe wekî polîsan dabûn nas kirin lêxistibûn û ew revandibûn. Polatê ku bi wesayîteke spî ya plakaya wê 34 RC 4497 hatibû revandin, di wesayîtê de çavên wî hatibûn girêdan û destên wî jî paş de hatibûn girêdan. Lîder saet û nîvekê di wesayîtê de hatibû îşkencekirin, heqaret lê hatibûn kirin û yên wî revandibûn jê re gotibûn "Tu yê niha biçî cem kekoyan" û wî li wesayîteke zirxî siwar kiribûn.

	&nbsp;

	Ev kes 5 saetan Polat dabûn sekinandin û ji xeynî îşkenceyê dest dirêjî wî kiribûn. Van kesan ji Polat xwestibû xebatên xwe yên di nav HDP'ê de bidomîne, lê li ser navê "dewletê" bixebite û dest danîbûn ser telefona wî û karta wî ya krediyê. Paşê van kesan Polat li Başaklehîrê avêtibûn kêleka rêyekê.&nbsp;

	&nbsp;

	Piştî vê parêzera Polat Endama Komeleya Hiqûqnasên Ji Bo azadiyê (OHD) Nagehan Avçîl serî li Serdozgeriya Komarê ya Anadolûyê ya Stenbolê giliyê wan kesan kiribû.&nbsp;

	&nbsp;

	Dozgeriyê jî derpêş kiribû ku têkildarî îşkencekirinê raporek edlî an jî şahid û delîlek tune ye û biryara neşopandina gumanbaran dabû.&nbsp;

	&nbsp;

	Piştî vê parêzer Avçîl di 8'ê Adara 2021'ê de serî li Dadgeriya Ceza ya Sulhê dabû û li ber biryara dozgeriyê rabûbû ku lêpirsînek çalak nehatiye kirin.&nbsp;

	Dadgeriyê jî biryar dabû ku dozgeriyê lêpirsîneke çalak nekiriye û xwestibû biryara heyî bê xerakirin û lêpirsînek berfireh bê kirin.&nbsp;

	&nbsp;

	Piştî biryara dadgeriyê lêpirsîn cardin hatibû destpêkirin. Lê dozgeriyê di 28'ê Çileya 2022'yan de cardin bi heman hincetê biryara neşopandinê da û dosyeyê daxilî nav yên "kiryar nediyar" kir.&nbsp;

	&nbsp;

	Parêzer Avçîl, anî ziman ku dê îtiraz bikin û cardin serî li Dadgeriya Ceza ya Sulhê bidin.&nbsp;

	&nbsp;

	MA / Mehmet Aslan

	&nbsp;