
Di Doza Kobanê de zexta ‘bibe gazinker’ li miştekiyan hat kirin 

2022-02-10 14:33:47


	ENQERE - Şandeya dadgehê di Doza Kobanê de bêyî ku parastinên siyasetmedaran bi dawî bibe derbasî îfadeyên miştekî bû û zextan li ser miştekiyan kir ku bibin gazinker.&nbsp;

	Danişîna 9’emîn a Doza Kobanê piştî navbera rojekê di roja 7’emîn de îro berdewam kir. Doza Kobanê ku Hevserokên Giştî yên HDP’ê yên berê û rêveberên navenda giştî yên HDP’ê jê tên darizandin li 22’yemîn Dadgeha Cezayê Giran a Enqereyê tê lidarxistin. Danişîna ku 108 siyasetmedar jê tên darizandin li Kampûsa Girtîgeha Sîncanê didome. Rêveber û parlamenterên HDP’ê danişînê dişopînin. Gelek parêzer jî di danişînê de amade ne. Siyasetmedarên li Girtîgeha Sîncanê ne li eywana danişînê amade bûn û girtiyên li girtîgehên din in bi riya Pergla Deng û Dîmen (SEGBÎS) beşdarî danişînê bûn. Hin siyasetmedaran hêcet nîşan da û beşdarî danişînê nebûn.&nbsp;

	&nbsp;

	Piştî tespîta nasnameyan, ewraqên hatibûn hatin xwendin. Endamê Desteya Rêveberiya Navendî ya HDP’ê yê berê Bulent Parmaksiz ji ber hêcet nîşan dabû, beşdarî danişînê nebû û diyar kiriye ku ew ê paşê parastina xwe berdewam bike. Serokê dadgehê diyar kir ku di vê rûniştinê de 3 miştekiyên li girtîgehê ne dê werin guhdarî kirin.&nbsp;

	&nbsp;

	LI DIJÎ QANÛNÊ YE&nbsp;

	&nbsp;

	Parêzer Veysî Eskî diyar kir ku bêyî ku parastina Bulent Parmaksiz bi dawî bibe girtin îfadeyên miştekî li dijî Qanûna Cezayê Dadgehê ye û xwest ev yek neyê kirin. Eskî xwestin miwekîlên wan werin berdan. Dadger daxwazê red kir.&nbsp;

	&nbsp;

	Parêzer Mavîş Aydin jî xwest niha îfadeyên miştekiyan neyê girtin. Dadger daxwaza wê jî red kir.&nbsp;

	&nbsp;

	DI GUHDARIYA MIŞTEKIYAN DE ISRAR KIR&nbsp;

	&nbsp;

	Serokê dadgehê tevî biryara navberê ku ji berê ve hatiye danîn jî di guhdariya miştekiyan de israr kir û bertek nîşan parêer û siyasetmedaran da. Dadger daxwaza axaftina siyasetmedaran jî red kir û dest bi guhdariya miştekiyan kir.&nbsp;

	&nbsp;

	BI ZEXTAN BÛ GAZINKER&nbsp;

	&nbsp;

	Pişt re jî îfadeyên Mustafa Akbulut ê li Girtîgeha Tarsûsê ya Tîpa T’yê tê ragirtin hat girtin û bi zextan ew bû gazinker.&nbsp;

	&nbsp;

	&nbsp;‘EWILÎ BÛ GAZINKER PIŞT RE JÎ GAZINKERIYA XWE PAŞ DE KIŞAND&nbsp;

	&nbsp;

	Selahattîn Demîrtaş ket navberê û pirs ji miştekî kir. Li ser pirsên Demîrtaş, miştekî Akbulut ji dest ji gotinên xwe berê berda û got ew ji kesên li eywanê amade ne gazinker e û ji yên wesayîtê qelibandine gazinker e.&nbsp;

	&nbsp;

	MIŞTEKÎ NEBÛN GAZINKER&nbsp;

	&nbsp;

	Melîk Dogan ê miştekî jî axivî û got ew kesî nas nake û ji kesî ne gazinker e.&nbsp;

	&nbsp;

	Serdar Îdîm ê miştekî jî îfadeyên wî hatin girtin û wî jî got ew ji kesî ne gazinker e.&nbsp;

	&nbsp;

	Herî dawî Kadîr Azman ê miştekî îfade da û ew jî ji kesî nebû gazinker.&nbsp;

	&nbsp;

	‘JI BO GAZINKERIYÊ LÎSTIK TÊN KIRIN’&nbsp;

	&nbsp;

	Piştî îfadeyên miştekiyan Ayla Akat Ata û Sebahat Tuncel axivîn û diyar kirin ku ji bo ku miştekî bibin gazinker her cûre lîstik tên kirin û li ser wan îdiayên bêbingeh hene û ew ne li benda edaleta darazek wiha ne. Tuncel da zanîn ku wê rojek edalet ji darazê û îktidarê re jî lazim were.&nbsp;

	&nbsp;

	Piştî axaftinan dadger navberê da danişînê.&nbsp;

	&nbsp;

	&nbsp;

	&nbsp;