
Li gelek bajaran serdegirtinên malan: Welatiyê ji sedî 90 astengdar jî hat binçavkirin 

2022-02-13 11:55:29


	&nbsp;

	NAVENDA NÛÇEYAN - Li Amed, Wan û Qoserê di serdegirtinên malan de gelek kes hatin binçavkirin. Li Wanê Mehmet Şerîf Demîragaç ê ji sedî 90 jî hat binçavkirin.&nbsp;

	&nbsp;

	Polîsan serê sibê li Mêrdîn, Amed û Wanê avêt ser gelek malan û gelek kes binçav kirin.&nbsp;

	&nbsp;

	MÊRDÎN

	&nbsp;

	Li navçeya Qosera Mêrdînê polîsan bi ser mala aktîvîsta Tevgera Jinên Azad (TJA) Hacîre Tanirgan de girt û deriyê mala wê şikandin û ketin hundir. Tanirgan di çarçoveya lêpirsîna ji aliyê Serdozgeriya Komarê ya Amedê ve hatiye destpêkirin, hat binçavkirin. Hat zanîn ku dê Tanirgan bibin Amedê.&nbsp;

	&nbsp;

	WAN

	&nbsp;

	Polîsan li Wanê jî bi ser gelek malan de girt. di serdegirtina malan de endamên Meclîsa Ciwanan a HDP’ê Arjîn Tuncer, Ferhat Azan, Rojîn Varhan û welatiyê bi navê Mehmet Şerîf Demîragaç ê ji sedî 90 astengdar e kirin binçavan. Sedema binçavkirinê nehat zanîn û binçavkiriyan birin Midûriyeta Polîsan a Wanê.&nbsp;

	&nbsp;

	AMED&nbsp;

	&nbsp;

	Li Amedê jî polîsan serê sibê avêt ser gelek malan. Di serdegirtina malan de endamên Meclîsa Ciwanan a HDP’ê Diyar Sîncar û Nurullah Ozgurn, Şêhmus Doku û Mazlum Kardaş kirin binçavan. Sedema binçavkirinê nehat zanîn û her çar kesan birin Midûriyeta Polîsan a Amedê.&nbsp;

	&nbsp;

	Hat gotin dibe ku hejmara binçavkiriyan zêde bibe.&nbsp;