
Li Stenbolê rojnamevanek û siyasetmedar hatin binçavkirin  

2022-02-15 09:54:37


	&nbsp;

	STENBOL - Li Stenbolê polîsan avêt ser malan û rojnamevan û siyasetmedar jî di nav de gelek kes kirin binçavan.&nbsp;

	&nbsp;

	Polîsan li navçeyên Stenbolê avêt ser malan û lêgerîn pêk anîn. Di serdegirtinên malan de endam û rêveberên HDP’ê û rojnamevan jî di nav de gelek kes kirin binçavan. Di serdegirtinên li navçeya Esenyurda Stenbolê de Hevseroka Komeleya Alîkariya bi Malbatên Girtî û Hikumxwaran re ya Marmayarayê (MATUHAYDER) Esîn Çelîk û endamên HDP’ê jî di nav de 9 kes hatin binçavkirin.&nbsp;

	&nbsp;

	Di serdegirtinên malan de her wiha nûçegihana Rojnameya Şûjin a bi KHK’ê hat girtin Vîldan Atmaca jî hat binçavkirin. Hat zanîn ku Atmaca ji ber nûçeyên di navbera salên 2015 û 2016’an de çêkiriye di çarçoveya lêpirsîna hatiye destpêkirin de hatiye binçavkirin.&nbsp;

	&nbsp;

	10 kesên hatin binçavkirin birin Midûriyeta Polîsan a Stenbolê ku li Cadeya Vatanê ye. Hat zanîn ku dê parêzer heta 24 saetan nikaribin miwekîlên xwe bibînin.&nbsp;

	&nbsp;

	Navên kesên hatine binçavkirin wiha ne: Endama Meclîsa Partiyê ya HDP’ê Çîçek Ariç, &nbsp;rêveber û endamên HDP’a Esenyurdê Çayan Yilmaz, Murat Turgut, Taner Karataş, Metîn Burukanli, Abdullah Arinan, Kiyasattîn Kurt û Selamî Yaman.&nbsp;

	&nbsp;