
Gelo ATK çima nexweşîna Aysel Tugluk nabîne?  

2022-02-16 10:11:37


	&nbsp;

	ENQERE - Li gel ku Aysel Tugluk nexweşîna demansê lê peyda bûye jî û dermanên nexweşîna Alzheimer dixwe jî ji aliyê ATK’ê ve nayê berdan. ATK rapora “berpirsiyariya cezaî” da Tugluk.&nbsp;

	&nbsp;

	Siyasetmedara kurd Aysel Tugluk a li Girtîgeha Kandiraya Kocaeliyê ya Jimara 1’an a Tîpa F’yê tê ragirtin. Nexweşîna “demans” li Tugluk peyda bûye. Rewşa wê girantir dibe. Tugluk di 1’ê sibatê de birin Saziya Tiba Edlî (ATK) û dîsa wek raporên berê rapoek nû hat amadekirin. Tugluk ji Doza Kobanê jî tê darizandin. 22’yemîn Dadgeha Cezayê Giran a Enqereyê ku li dozê dinêre, xwestibû Tugluk 3 hefte li ATK’ê were ragirtin. Lê Tugluk 3 rojan li ATK’ê hat hiştin û rapora “bepirsiyariya cezaî” danê. Di rapora 25 rûpelî de ku ji bo Tugluk hat amadekirin de di 15 rûpelên ewil de behsa “sûcdariyên” Doza Kobanê hat kirin.&nbsp;

	&nbsp;

	Di 10 rûpelên mayî yên raporê de nexweşxaneyên ku Tûglûk heta Adara 2021'an çûyê, encamên muayeneyan, reçeteyên dermanên hatine dayîn û biryarên berê yên ATK'ê hatine dayîn hene. Tugluk li gel ku dermanên nexweşîna Alzheimerê dixwe jî dîsa nayê berdan. ATK’ê dîsa berdana Tugluk red kir û li gorî ATK’ê silametî ango tenduristiya Tugluk normal e.&nbsp;

	&nbsp;

	NEXWEŞÎN BANDORÊ LI SER CEZA NAKE!&nbsp;

	&nbsp;

	Tevî hemû encamên nebaş ên tenduristiya Tugluk jî ATK’ê diyar kir ku “Xerabûna Bîrbirî ya Sivik” hatiye tespîtkirin û tu bandorek wê li ser cezayê wÊ bike tune ye. ATK’ê bi vî awayî berdana Tugluk dîsa red kir.&nbsp;

	&nbsp;

	&nbsp;